Txais tos rau hauv University of Wisconsin–Madison. Peb zoo siab koj tuaj pib los ua txoj haujlwm koj xaiv ntxiv nov. Koj thawj lub asthiv, nws tseem ceeb yuav tsum tau teev cov ntaub ntawv nov kom tiav, xws li teev ntawv yuav them nyiaj rau koj li cas. Rau pib, xyuas cov ntawv qhia muaj hauv qab no.
Cov kev qhia muaj txhais rau cov ntawv los lus nram no:
Cia Pib
Puas muaj lus nug?
Yog koj muaj lus nug cov nplooj ntawv muab kev qhia no teb tsis tau, thov nrog koj ceg ua haujlwm lub HR office tham.
Ua Ua Ntej
This is an accordion element with a series of buttons that open and close related content panels.
Daim I-9
Leej twg?
Tag nrho cov neeg ua haujlwm tau txais nyiaj them (tsis xam cov neeg ua haujlwm tsis tau ib qho nyiaj them li)
Dab tsi?
Daim I-9 yog tsoom fwv teb chaws daim ntawv siv xyuas seb tus neeg ua puas tau haujlwm nyob hauv United States. Daim I-9 qhia tias koj ua tau haujlwm nyob hauv United States.
Vim li cas?
Koj yuav tsum teev daim I-9 thiaj ua tau haujlwm nyob hauv United States. Koj ua tsis tau haujlwm yog koj tsis teev daim I-9 kom tiav. Yuav tso koj tawm haujlwm yog koj tsis teev daim I-9 kom tiav raws caij.
Thaum twg?
Koj yuav tsum teev:
- Koog 1 tsis pub dhau thawj hnub pib haujlwm thiaj tau nyiaj them.
- Koog 2 tsis pub dhau 3 hnub ua haujlwm ntawm hnub koj pib thiaj tau nyiaj them.
Yuav ua li cas?
Teev koj Daim I-9 ua 2 kauj ruam.
- Teev Koog 1 nyob hauv Workday tsis pub dhau thawj hnub pib haujlwm.
- Siv koj tus NetID Nkag rau hauv Workday.
- Siv koj lub xovtooj (smart phone) los lub Frequency Operated Button (FOB) qhia tseeb tias yog koj (MFA-Duo)
- Nyob hauv daim Tasks, nrhiav ntawm Koog 1.
- Ces, teev Koog 2 nrog tus I-9 Coordinator tim ntsej tim muag.
- Ntsib tus I-9 Coordinator txhob pub dhau 3 hnub pib ua haujlwm.
- Nqa koj cov ntawv kom muab daim tiag, Form I-9 Acceptable Documents.
Kev Pab thiab Cov Kev Pab nyob Online:
Mus muab kev pab nyob ntawm lub New Employee Welcome Center.
NetID
Leej twg?
Tag nrho cov neeg ua haujlwm
Dab tsi?
Koj tus NetID yog koj tus UW–Madison username thiab password.
Vim li cas?
Koj yuav tsum siv koj tus NetID:
- nkag rau hauv MyUW, Workday, thiab Office 365.
- qhib koj cov email, tw them nyiaj, thiab paj kas phais ntawm haujlwm.
- kawm cov hoob koj yuav tsum tau kawm.
- siv lwm yam kev pab nyob online ntawm haujlwm.
Thaum twg?
Tsim koj tus NetID sai li sai tau thaum kom tau koj tus activation key.
Yuav ua li cas?
Tsim koj tus NetID:
- Mus rau qhov NetID Activation.
- Ntau koj tus activation key thiab hnub yug.
- Nyem Agree rau pom zoo raws cov lus hais.
- Teev tseg cov lus teb muab koj tus NetID thaum tsis nco qab nws lawm.
- Tsim ib tug password zoo kom tsis muaj neeg muab tau.
- Tsim qhov MFA-Duo tswj kom ruaj ntxiv.
Rau Kev Pab thiab Cov Kev Pab nyob Online:
Hu los xa email rau:
- koj ceg ua num lub HR Office (pab muab koj qhov activation key).
- Division of Information Technology (DoIT) Help Desk: hu (608) 264-4357 los xa email rau help@doit.wisc.edu.
Kawm ntxiv hauv:
MFA-Duo
Leej twg?
Tag nrho cov neeg ua haujlwm
Dab tsi?
MFA-Duo yog kauj ruam thib 2 tswj thaum koj nkag rau hauv koj cov UW accounts.
- Ua ntej, nkag rau koj lub UW account siv koj tus NetID thiab password.
- Ces, qhov MFA-Duo xa ib qho ntawv rau koj lub smartphone los tablet.
-
- Nyem approve rau qhov ntawd qhia tias yog koj.
- Koj yuav tsum muab kev pom zoo rau qho ntawv xa rau koj thiaj nkag tau rau koj lub account.
Yog koj tsis muaj ib lub smartphone los tablet, thov ib lub fob ntawm koj ceg ua haujlwm lub HR Office.
Vim li cas?
Koj yuav tsum siv qhov MFA-Duo nkag rau hauv MyUW, Workday, Canvas, thiab koj tus UW email, vim nws:
- tiv thaiv koj thiab tsev kawm ntawv tej ntau ntawv.
- txwv tsis pub lwm tus qhib nkag rau koj lub account, txawm tias lawv muaj koj tus NetID thiab password.
Thaum twg?
- Tsim koj qhov MFA-Duo tam sim tom qab koj tsim koj tus NetID. Koj yuav tsum tsim koj qhov MFA-Duo rau qhib ntau yam nyob hauv UW systems.
- Tsim cov lus nug teb thiab qhov MFA-Duo rau kev tswj thawj asthiv koj pib haujlwm.
Yuav ua li cas?
Tsim qhov MFA-Duo (txav lawm hauv rau Cov Lus Qhia Ntxiv).
Kev Pab thiab Cov Kev Pab nyob Online:
DoIT Help Desk: hu (608) 264-4357 los xa email: help@doit.wisc.edu.
Kawm ntxiv:
- MFA-Duo Overview
- Kev Uas Raws Tsim rau cov Xibfwb & Neeg Ua Num
- Tswj Cov Khoom & Lej Npaj Pab (Manage Devices & Backup Codes)
- MFA-Duo Knowledge Base
Workday
Leej twg?
Tag nrho cov neeg ua haujlwm tau nyiaj them
Dab tsi?
Workday yog ib qho tuav ntaub ntawv nyob online tag nrho cov neeg ua haujlwm siv ua lawv cov dej num.
- saib thiab hloov tus kheej thiab haujlwm tej ntaub ntawv.
- xa kev thov caij so.
- tuav koj cov xuab moos ua haujlwm thiab caij so siv.
- saib koj cov tw them nyiaj.
- tswj kev xa nyiaj ncaj nraim rau tuam txhab tuav nyiaj thiab txiav se.
- nkag rau thiab pauv paj kas phais.
- ua koj daim ntawv ntsuam xyuas ua haujlwm.
- kawm kev cob qhia thiab tswj kev kawm pab txoj haujlwm.
Vim li cas?
Nrog qhov Workday, koj tswj tau koj cov ntaub ntawv ua haujlwm — xws li caij so siv, xuab moos ua haujlwm, paj kas phais, kev ntsuam xyuas ua haujlwm, thiab kev kawm pab txoj haujlwm — ua ke nyob online.
Thaum twg?
Siv Workday tau thaum koj muaj koj tus NetID thiab Multi-Factor Authentication (MFA-Duo).
Siv tas li rau:
- thov caij so.
- hloov kev them nyiaj thiab paj kas phais (tiag yog thaum qhib pauv paj kas phais).
- cov dej num txog se thaum xyoo xaus.
- ua ntaub ntawv ntsuam xyuas ua haujlwm ib nrab thiab xyoo xaus.
Vim li cas?
Siv Workday:
- Nkag rau hauv Workday ntawm koj lub computer los ib lub Workday mobile app.
- Kawm hoob “Workday for All Employees” hauv Canvas (siv li 45 nas thi).
- Saib kawm cov no ntawm koj sab Workday homepage: “My Tasks,” notifications, thiab cov txiav kev mus tau rau (shortcuts).
- Siv tej koog koj xav tau: Thov Caij So, Paj Kas Phais, Tw Them Nyiaj, Kev Cob Qhia, Ntsuam Xyuas Ua Haujlwm, thiab lwm yam.
Keb Pab thiab Cov Kev Pab nyob Online:
Hu los xa email:
- koj ceg ua haujlwm lub HR Office rau NetID, nkag rau, los lus nug txog ntawm haujlwm.
- Link UW nkag rau los pauv koj cov paj kas phais siv qhov My Benefits.
- GetHelpUW (Workday qhov chaw pab txhawb).
- DoIT Help Desk (nkag rau, NetID/MFA-Duo, los muaj teeb meem nkag/qhib).
Kawm ntxiv hauv:
Xa Nyiaj Them Ncaj Nraim Rau (Direct Deposit)
Leej twg?
Tag nrho cov neeg ua haujlwm tau nyiaj them (tsis xam cov neeg ua haujlwm tsis tau ib qho nyiaj them li)
Dab tsi?
Xa nyiaj ncaj nraim rau tom tuam txhab tuav nyiaj them (nyiaj mus ncaj naim rau koj lub bank account).
Vim li cas?
Koj kom xa nyiaj them ncaj nraim rau tom koj lub bank account, txhob muab ib daim U.S. Bank Focus Pay Card los yuav tau nqa koj daim nyiaj them mus tso tom tuam txhab tso nyiaj.
Thaum twg?
Teev ntawv kom xa nyiaj ncaj raim rau tom tuam txhab tuav nyiaj hauv Workday (muab koj cov ntaub ntawv bank account) txhob pub dhau 5 hnub tom qab pib haujlwm.
Yog koj tsis muab koj cov ntaub ntawv, tej zaum koj yuav:
- tau txais ib daim nyiaj them (paycheck), los
- cia li muab koj nkag rau qhov muab ib daim S. Bank Focus Pay Card rau thawj zaug them koj.
Yuav ua li cas?
Kev Pab thiab Cov Kev Pab nyob Online:
Hu los xa email rau koj ceg ua haujlwm lub HR Office.
Tax Withholding
Leej twg?
Tag nrho cov neeg ua haujlwm tsis muaj cov Glacier accounts
Dab tsi?
Teev ntawv txiav se rau tsoom fwv teb chaws thiab xeev (txiav tawm hauv koj daim nyiaj them rau them se).
Vim li cas?
Kom paub tseeb yuav txiav npaum li cas tawm ntawm koj daim nyiaj them thiab xa rau tsoom fwv.
Thaum twg?
Teev koj daim ntawv txiav se rau tsoom fwv teb chaws thiab xeev thawj hnub pib haujlwm.
- Koj pauv tau cov nyiaj txiav rau se yog koj muaj ib qho loj pauv uas yuav tshuam koj cov se (li tshem mus nyob tawm xeev, pauv cuab yig, ua haujlwm los tau nyiaj ntau ntxiv).
- Yog koj nyob thiab ua haujlwm tawm hauv xeev Wisconsin, tso qhov Alternate Work Location rau hauv Workday laij koj cov se rau xeev. Hu los xa email rau koj ceg ua haujlwm lub HR Office nug seb qhov no puas raug koj.
Yuav ua li cas?
- Teev daim Federal Tax Withholding Elections – Employee.
- Teev daim State and Local Tax Withholding Elections – Employee.
Kev Pab thiab Cov Kev Pab nyob Online:
Hu los xa email rau koj ceg ua haujlwm lub HR Office.
Glacier
Leej twg?
Tag nrho cov neeg ua haujlwm tuaj txawv teb chaws tuaj, cov muaj npav ntsuab (Resident Aliens), thiab cov tsis muaj npav ntsuab (Nonresident Aliens) tau nyiaj them los tau txais nyiaj pab ntawm tsev kawm ntawv qhov chaw them nyiaj
Dab tsi?
Glacier yog ib qho kev tuav ntaub ntawv ua haujlwm nrog qhov Workday xyuas kom cov nyiaj them txiav nyiaj yog.
Vim li cas?
Glacier xyuas kom txiav se tseg yog thiab txiav raws qhov muaj ntaub ntawv nyob teb chaws no li cas.
Thaum twg?
- Koj yuav tau txais ib lub Glacier account tom qab hnub txais koj.
- Koj yuav tau kho koj lub Glacier account txhob pub dhau 5 hnub, hnub txais koj.
- Koj yuav tsum muab cov ntaub ntawv Glacier thiab cov ntawv luam tsis pub dhau 2 hnub ntawm hnub kho koj lub Glacier account. Cov paub tej zaum muaj hom visa twg (type), tauj ntaub ntawv nyob ntxiv, hnub yuav rov mus, los nyob rau hauv U.S.
Yuav ua li cas?
- Saib hauv Kuv Yuav Tau Txais Lub Glacier Account li cas?
- Puas muaj lus nug? Xa email rau: glacier@ohr.wisc.edu.
- Koj yuav tau nqa cov ntaub ntawv rau Office of Human Resources ntawm 21 N. Park Street, Chav 5101 (tshooj 5).
Kev Pab thiab Cov Kev Pab Nyob Online:
Saib hauv International Payroll and Taxes lub website.
Wiscard
Leej twg?
Tag nrho cov mejyig, neeg ua num, cov so noj nyiaj, cov emeriti, UW–Hospital, UW–System, thiab qhaib rau UW–Extension
Dab tsi?
Koj daim Wiscard yog koj UW daim duab ID.
Siv koj daim Wiscard:
- nkag cov tsev hauv thaj chaw kawm ntawv.
- siv UW cov tsev cia ntawv, Rec Well cov chaw ua si, thiab muab pib npav.
- tam ib daim ID rau cov kev pab hauv tsev kawm ntawv.
- tam ib daim siv tau koj lub account tso nyiaj rau noj mov, yuav ntawv, thiab tso khoom noj ntawm cov cav vending (feem ntau txog nqi 5%).
Vim li cas?
Koj daim Wiscard yog koj daim UW ID tiag. Koj yuav tsum muaj nws nkag cov tsev thiab muab kev pab.
Thaum twg?
- Cov xibfwb thiab neeg ua num: Koj tuaj ua tau koj daim Wiscard 14 hnub ua ntej koj pib haujlwm.
- Cov mejyig: Ua koj daim Wiscard tom qab cuv npe kawm ntawv los lub caij tuaj mloog kev piav qhia.
- Thawj daim ua dawb thiab kav 5 xyoos.
Vim li cas?
- Mus rau ntawm lub Wiscard Office (chav 149 hauv Union South, 1308 W Dayton).
- Nqa ib daim duab ID tsoom fwv ua, li daim passport los S. driver’s license.
- Cov neeg ua num hauv Wiscard thaij koj duab, thiab koj yuav tau koj daim Wiscard tam sim.
- Koj qhib tau koj lub campus debit account tim ntsej tim muaj los nyob online.
Kev Pab thiab Cov Kev Pab Nyob Online:
Wiscard Office:
- Mus rau hauv Union South, chav 149, 1308 W Dayton.
- Hu (608) 262-3258 los xa email rau wiscard@union.wisc.edu.
- Kawm ntxiv hauv: Wiscard FAQs.
Daim duab ploj los muaj neeg nyiag? Tshem nws tawm hauv online portal thiab hu cuag Wiscard office.
Ntawv Tuav Caij Ua Haujlwm thiab Ntaus Caij Rau (Time sheets and Time Logging)
Leej twg?
Saib cov muaj nyob hauv qab no (4.a thiab 4.b). Nrhiav pawg neeg ua haujlwm koj nyob rau kawm seb koj yuav qhia koj cov xuab moos li cas.
Dab tsi?
Qhia cov caij ua haujlwm.
(4.a) Siv Lub moos (Time Clock) los Daim Ntawv Ntaus Caij (the Timesheet) qhia cov xuab moos koj ua haujlwm, yog pawg koj ua haujlwm nyob rau:
- Cov University Staff them nyiaj xuab moos.
- Cov Nonexempt Academic Staff.
- Cov Mejyig (Student) them nyiaj xuab moos.
- Cov Nonexempt Graduate Assistant.
(4.b) Thov caij so nyob hauv Workday raws li yuav so (txhob tso cov xuab moos koj ua haujlwm), yog pawg koj ua haujlwm rau nyob rau:
- Cov Exempt Academic Staff.
- Cov Exempt University Staff.
- Cov Xibfwb.
- Cov Exempt Limited Staff.
Vim li cas?
Qhia koj cov xuab moos kom yog, thiaj them nyiaj yog rau koj.
Thaum twg?
(4.a) Yog koj siv daim tuav caij ua haujlwm los lub moos ntaus caij, qhia koj cov xuab moos ua haujlwm rau txhua hnub.
(4.b) Yog koj siv Workday:
- Yog koj tsis qhia koj cov xuab moos txhua hnub, tso cov xuab moos koj so them nyiaj thaum koj siv.
- Yog koj tsis siv caij so them nyiaj rau ib lub hlis li, tso tias “tsis siv caij so (no leave taken)” rau hauv Workday tsis pub dhau hnub 5 lub hli tom qab.
Yuav ua li cas?
Saib cov kev qhia hauv: Entering Time in Workday – Employee.
Kev Pab thiab Cov Kev Pab nyob Online:
Hu los xa email rau koj tus thawjsaib los koj ceg ua haujlwm lub HR Office.
Ua Thib Ob
This is an accordion element with a series of buttons that open and close related content panels.
Caij Them Nyiaj (Payroll Calendars)
Leej twg?
Tag nrho cov neeg ua haujlwm tau nyiaj them (tsis xam cov neeg ua haujlwm tsis tau ib qho nyiaj them li)
Dab tsi?
Daim Caij Them Nyiaj (Payroll Calendar) (saib qhov sab laug rau xyoo) muaj koj:
- cov caij cov xuab moos/hnub them.
- them rau hnub twg.
- cov txiav tawm (txiav npaum li cas thiab puas tsawg zaus tawm ntawm koj qhov nyiaj rau UW cov paj kas phais).
Vim li cas?
Paub yuav them koj rau thaum twg.
Thaum twg?
- Cov caij them yog txhua 2 asthiv.
- Feem ntau, them koj rau hnub Zwj Teeb (Thursday). Cov hnub them yuav pauv yog poob rau cov hnub caiv los yog tuam txhab tuav nyiaj kaw.
- Yog koj pib haujlwm ib nrab ntawm cov hnub them daim nyiaj, koj thawj daim nyiaj yuav tsawg dua piv rau koj cov nyiaj them rau yav tom ntej.
Yuav ua li cas?
Luam Daim Caij Them Nyiaj (Payroll Calendar) kom paub thaum twg them nyiaj rau koj. Koj luam tau hauv chav Welcome Center.
Kev Pab thiab Cov Kev Pab nyob Online:
Hu los xa email rau koj tus thawjsaib los koj ceg ua haujlwm lub HR Office.
Qhia Caij So Siv (Leave Reporting)
Leej twg?
Cov neeg ua haujlwm tau cov kev muaj pab (caij so mus ua si, so rau muaj mob, cov hnub so caiv, caij rau tus kheej (personal holidays) caiv, thiab lwm yam caij)
Twm koj tsab email txais tos tuaj ntawm LinkUW tuaj seb koj tau caij pab dab tsi.
Dab tsi?
Qhia Koj Cov Caij So Tau Them Nyiaj thiab Caij Tsis Tuaj Ua Haujlwm.
Cov hom caij so tau nyiaj them tej zaum koj tau:
- So rau muaj mob
- Hnub so caiv (Legal Holiday)
- Caij so mus ua si
- Hnub caiv so rau tus kheej (Personal Holiday)
Tej zaum koj kuj yuav tau cov caij so tsis tuaj haujlwm rau niamtxiv so (parental leave), mus mloog hais plaub, los muab khoom nruab nrog pub lwm tus.
Vim li cas?
UW xav pab cov neeg ua haujlwm kom ua tau haujlwm thiab pab tau tus kheej lub neej. Peb to taub tias tej thaum koj yuav thov caij so los so tsis tuaj haujlwm.
Thaum twg?
Thaum koj siv caij so them nyiaj, tso nws rau tam sim, kom thiaj them nyiaj yog rau koj. LinkUW yuav muab kev qhia ua rau koj.
Yuav ua li cas?
Kawm kom paub txog txhua yam caij so thaum koj nrog tus neeg tuav koj cov ntaub ntawv them nyiaj thiab paj kas phais tham ntawm LinkUW.
Kev Pab thiab Cov Kev Pab nyob Online:
Tham nrog
- Link UW: help.linkuw@wisc.edu.
- koj tus thawjsaib.
My Benefits
Leej twg?
Tag nrho cov neeg ua haujlwm tau paj kas phais hauv Employee Trust Funds (ETF).
Koj siv tau qhov My Benefits tom qab txawm koj tawm haujlwm los tawm hauv UW mus so noj nyiaj laus.
Dab tsi?
My Benefits yog ib qhov nyob online uas koj ua tau:
- nkag rau, saib, thiab pauv koj cov paj kas phais nyob hauv ETF.
- saib koj daim Statements of Benefits (daim qhia yuav tau nyiaj npaum li cas) txij thaum 2012 txog tam sim no.
- thov ib daim ntawv khwv yees yuav tau nyiaj li cas yog xiam oob khab.
Vim li cas?
Koj tso siab lug ua tau:
- saib koj cov paj kas phais los kev muaj pab.
- saib tau koj them npaum li cas yuav cov paj kas phais.
- nkag rau cov paj kas phais los kev muaj pab.
- paub cov paj kas phais yog koj muaj ib qho pauv loj nyob hauv tsev neeg.
- said thiab hloov cov ntaub ntawv txog cov neeg nyob hauv qhov paj kas phais.
- xa cov ntaub ntawv yuav kom muab.
- saib cov WRS Statement of Benefits yav tas.
Thaum twg?
Koj qhib tau qhov My Benefits txhua lub caij thaum koj ua haujlwm saib, nkag, thiab pauv cov paj kas phais.
Tej zaum koj yuav qhib tau lub account no thaum koj mus so noj nyiaj lawm thiab.
Vim li cas?
Nco: Mus rau qhov My Benefits nyem daim My Benefits hauv MyUW.
Yog nov yog koj thawj zaug nkag rau qhov My Benefits, koj yuav tau tsim ib lub account nyob hauv qhov My Benefits.
Rau tsim koj lub My Benefits account, koj yuav tsum muaj ib:
- Tus lej Social Security number (SSN).
- Yog koj tsis muaj ib tug lej SSN, ntaus koj tus Individual Taxpayer Identification Number (ITIN) rau ntawm kab SSN.
- Yog koj tsis muaj ib tug lej SSN los ITIN, ntaus koj tus Reporting ID UW muab rau ntawm kab SSN.
- Tus kheej tus email address (txhob yog tus email address ntawm haujlwm).
Kawm ntxiv txog qhov My Benefits.
Kev Pab thiab Cov Kev Pab Nyob Online:
Rau pab txog:
- tsim koj lub My Benefits account, twm cov lus nug txog tas li hauv Wisconsin ID FAQ los hu 608-471-6667.
- rau pab to taub koj cov paj kas phais los siv qhov My Benefits nkag rau los pauv koj cov paj kas phais, xa ntawv rau LinkUW: help.linkuw@wisc.edu.
Cov Kev Muaj Pab: Qhov Nyiaj Laus rau Cov Neeg Ua Haujlwm Tsis yog Mejyig (Benefits: Wisconsin Retirement System for Non-Student Employees)
Leej twg?
Tej zaum koj kuj yuav tau cov nyiaj laus los ntawm qhov Wisconsin Retirement System (WRS) yog koj yog:
- University Staff
- Faculty
- Academic Staff
- Limited Appointee
Twm koj tsab email txais tos LinkUW xa tuaj seb koj puas tau qhov nyiaj tso rau WRS.
Dab tsi?
Qhov Wisconsin Retirement System (WRS) muaj nyiaj laus tso tseg rau UW cov neeg ua haujlwm thiab cov neeg ua num pab pej xeem thoob plaws hauv Wisconsin cov coob.
Saib hauv Benefits for employees covered by the WRS.
Vim li cas?
Yog koj tau, koj nkag tau rau cov paj kas phais li:
- Kuaj mob, kuaj hniav, kuaj qhov muag, thiab nqa tshuaj
- Cov Accounts Txiav Nyiaj Tseg Ua Ntej Txiav Se (Pre-Tax Savings).
- Nyiaj them rau xiam oob qhab.
- Paj kas phais pov hwm txoj sia.
- Paj kas phais pov hwm yuam kev raug.
- Paj kas phais tau nyiaj them yog mob los raug mob ua tsis tau haujlwm.
- Nyiaj ncua mam them (Deferred Compensation).
- Nyiaj laus tso ib cag (Supplemental Retirement Program).
- Nyiaj laus WRS.
Twm koj daim ntawv muab txoj haujlwm seb koj puas tau qhov nyiaj tso rau nyiaj laus WRS. Yog koj muaj lus nug, xa email rau help.linkuw@wisc.edu.
Thaum twg?
Nkag rau cov paj kas phais koj yuav txhob pub dhau 30 hnub.
- Ntxiv ib qho rau hauv koj daim caij nyoog kom nco teev ntawv nkag rau koj cov paj kas phais ua ntej 30 hnub txij hnub koj pib haujlwm.
- Koj nkag tsis tau rau cov paj kas phais tom qab 30 hnub ntshe koj ho muaj ib qho pauv loj hauv koj lub neej los thaum lub caij Qhib Nkag thaum Kaum Hli xwb.
Yuav ua li cas?
Xaiv, xyuas, los pauv koj cov paj kas phais nyob hauv qhov My Insurance Benefits.
NCO: Yog nov yog koj thawj zaug nkag rau hauv qhov My Insurance Benefits, koj yuav tsum tau tsim ib lub account nyob hauv My Benefits.
Kev Pab thiab Cov Kev Pab Nyob Online:
Xa ntawv cuag Link UW: help.linkuw@wisc.edu.
Cov Kev Muaj Pab: Paj Kas Phais Pab Cov Mejyig Graduate
Leej twg?
Cov neeg ua haujlwm nram no tsis tau qhov nyiaj laus WRS:
- Graduate Assistants
- Employees-in-Training (including postdocs)
- Fellows and Scholars
- Short-Term Academic Staff
Saib koj tsab email tuaj ntawm LinkUW tuaj seb koj puas tau qhov nyiaj laus WRS.
Dab tsi?
Paj kas phais rau cov neeg ua haujlwm tsis tau qhov nyiaj tso rau Wisconsin Retirement System (WRS).
Saib Cov Paj Kas Phais rau Cov Neeg Ua Haujlwm Tsis Tau qhov WRS.
Vim li cas?
Yog koj tsis tau qhov nyiaj laus WRS los, koj tseem nkag tau rau cov kev muaj pab li:
- Paj kas phais kuaj mob, kuaj hniav, kuaj qhov muag, thiab nqa tshuaj.
- Cov accounts txiav nyiaj tso rau ua ntej txiav se (Pre-Tax Savings Accounts).
- Kev pab rau xiam oob qhab ua tsis tau haujlwm (Disability Benefits).
- Paj kas phais pov hwm ua yuam kev raug (Accident Insurance).
- Paj kas phais pov hwm txoj sia (Life Insurance).
- Nyiaj txiav ncua lwm hnub mam them (Deferred Compensation).
- Nyiaj laus yus tso yus ib cag (Supplemental Retirement Program).
Thaum twg?
Nkag rau koj cov paj kas phais ua ntej 30 hnub txij thaum koj nkag tau.
- Ntxiv ib qho rau hauv koj daim caij nyoog kom nco nkag rau koj cov paj kas phais thawj 30 hnub ua haujlwm.
- Koj nkag tsis tau rau cov paj kas phais tom qab 30 hnub, tsis muaj kev zam.
Yuav ua li cas?
Xaiv, xyuas, los pauv koj cov paj kas phais nyob hauv qhov My Insurance Benefits.
NCO: Yog nov yog koj thawj zaug nkag rau hauv qhov My Insurance Benefits, koj yuav tsum tsim ib lub account nyob hauv My Benefits.
Kev Pab thiab Cov Kev Pab Nyob Online:
Xa ntawv rau Link UW: help.linkuw@wisc.edu.
MyUW
Leej twg?
Txhua tus muaj ib tug NetID nkag tau rau hauv MyUW
Dab tsi?
MyUW yog koj qhov nkag rau online muab UW cov kev pab.
Thaum twg?
Txhua lub caij
Yuav ua li cas?
Nkag rau hauv MyUW qhib:
- Workday (tso cov xuab moos ua haujlwm, thov caij so, saib tw nyiaj them, thiab ntau yam).
- My Benefits (nkag, pauv, thiab saib koj cov paj kas phais).
- UW cov email, Box, Google, thiab Zoom accounts.
- LinkedIn Learning rau kawm pab txoj haujlwm.
- lwm yam accounts rau UW cov neeg ua haujlwm.
Kev Pab thiab Cov Kev Pab Nyob Online:
Hu los xa email rau koj tus thawjsaib los koj ceg ua haujlwm lub HR Office.
Cov Hoob Yuav Kom Kawm (Required Training)
Leeg twg?
Tag nrho cov neeg ua haujlwm
Dab tsi?
- Prevent Sexual Harassment and Sexual Violence at UW (Txwv Tsis Pub Hais Lus Dev Phem thiab Quab Yuam Kov/Deev nyob hauv UW) kom tag nrho cov neeg ua haujlwm tau nyiaj them yuav tsum kawm (tsis xam cov neeg ua haujlwm tsis tau nyiaj them li thiab mejyig ua num them nyiaj xuabmoos).
- Yog koj yog ib tug mejyig graduate los tseem kawm txoj haujlwm kuj ua haujlwm rau tsev kawm ntawv thiab, txhob kawm hoob no.
- Yuav kom kawm hoob, graduate and professional student training.
- Nrhiav kev qhia ntxiv txog hoob qhia no nov.
- Cybersecurity Awareness Training yog ib hoob kom tag nrho cov neeg ua haujlwm siv UW cov twj fais tuav ntaub ntawv yuav tsum kawm.
- Tej zaum kuj yuav kom koj kawm lwm yam thiab, nyob ntawm seb koj txoj haujlwm ua dab tsi.
Vim li cas?
Yog koj kawm tsis tiav cov hoob kom kawm no, tej zaum koj kuj yuav tsis tau qhov nyiaj nce thiab tej zaum kuj yuav tso koj tawm haujlwm.
Thaum twg?
Txhua hoob kawm muaj hnub tsis pub dhau. Koj yuav tau kawm kom tiav ib co hoob tsis pub dhau 30 hnub tom qab pib txoj haujlwm.
- Kawm hoob Prevent Sexual Harassment and Sexual Violence at UW txhob pub dhau 30 hnub, ces rov kawm dua txhua 4 xyoos.
- Kawm hoob Cybersecurity Awareness Training txhua xyoo.
Yuav ua li cas?
Ntau cov hoob kom kawm no nyob online thiab yus kawm yus. Nrhiav cov hoob koj yuav tau kawm hauv sab Workday’s Learning Home page. Nug koj ceg ua haujlwm lub HR Office txog cov hoob muaj ntawv luam tawm los txhais rau lwm yam lus.
Kev Pab thiab Cov Kev Pab Nyob Online:
Hu los xa email rau koj ceg ua haujlwm lub HR Office.
Kev Nyab Xeeb (Safety)
Leej twg
Tag nrho cov neeg ua haujlwm
Dab tsi?
Kev qhia kom muaj kev nyab xeeb rau cov neeg ua haujlwm.
Ergonomics Guidance los ntawm Environmental Health and Safety (EHS):
- Ergonomics (kev xyuas pab kom ua tau txoj haujlwm):
- tsom xyuas seb koj lub cev ua koj txoj haujlwm li cas, xws li twj, thaj chaw, yuav tau ua dab tsi, thiab tus neeg lub cev zaum los sawv taus li cas.
- kho kom ua tau yooj yim, txo kev sav lub cev, thiab txwj kom txhob raug mob ntawm haujlwm.
- EHS pab cov neeg ua haujlwm teeb cov rooj ua haujlwm kom nyab xeeb thiab ua tau yooj yim.
Tsev kawm ntawv kev qhia kom muaj kev nyab xeeb (Campus Safety) los ntawm UW Police Department (UWPD):
- Tso npe rau qhov WiscAlerts kom tau txais cov kev qhia cov xwm ceev hauv tsev kawm ntawv.
- Siv qhov BadgerSafe app kom tau txais cov kev qhia xa rau koj lub xovtooj kom ceev faj thiab kom muaj kev nyab xeeb hauv tsev kawm ntawv.
- Saib cov tswv yim qhia ua kom muaj kev nyab xeeb hauv UWPD Employee Campus Safety Guide.
Vim li cas?
UW txhawb kom yog ib thaj chaw muaj kev noj qab nyob zoo thiab daws tau ceev cov xwm txheej ceev.
Thaum twg?
Peb cuab koj zog kom:
- teev daim ntawv ntsuam xyuas tus kheej ua haujlwm (ergonomics self-assessment) txhob pub dhau thawj 30 hnub pib ua txoj haujlwm.
- txo qhov BadgerSafe app rau hauv koj lub xovtooj ua ntej thawj hnub tuaj rau hauv tsev kawm ntawv.
Yuav ua li cas?
- Teb daim ergonomics online self-assessment tau txhua lub caij.
- Teev daim ntawv thov kev pab, Ergonomics Service Request.
- Nrog koj tus thawjsaib los tus Divisional Disability Representative (DDR) tham txog kev thov.
- Hu cuag koj tus DDR thov ib qho kev pab kom ua tau txoj haujlwm.
- Txo qhov BadgerSafe Mobile App tau txhua lub sij hawm.
Kev Pab thiab Cov Kev Pab Nyob Online:
Hu los xa email rau:
- EHS Ergonomics: hu (608) 265-5000 los xa email rau ehs@wisc.edu.
- UWPD BadgerSafe: hu (608) 264-2677 los xa email rau uwpd@wisc.edu.
- WiscAlerts: hu (608) 264-2677 los xa email rau uwpd@wisc.edu.
Kev Tuaj, Rov Mus Tsev thiab Nres Tsheb
Leej twg?
Txhua tus tuaj rau hauv tsev kawm ntawv los nres tsheb hauv UW los ntawm Madison cov kev tsheb
Dab tsi?
- Caij lauv thij tuaj rau hauv tsev kawm ntawv
- Pib npav rau UW cov neeg ua haujlwm
- Sib koom caij tsheb tuaj/mus tsev
- Nres tsheb hauv UW
- Nroog cov cai nres tsheb
Vim li cas?
- Paub cov muaj rau koj xaiv. Kawm txog cov paib thiab chaw nres ze koj qhov chaw ua haujlwm.
- Npaj rau koj kev tuaj thiab mus tsev. Txo kev ntxhov siab thiab tswj kom muaj tej yam ua rau yus ras tsawg.
- Kom txhob tau ntawv nplua nres tsheb (ticket). To taub cov cai nres tsheb ntawm cov kev neeg nyob, caij los te loj, thiab hloov sab nres ntawm kev thaum caij ntuj no.
- Kawm txog lwm yam. Kawm txog Madison Metro thiab kev caij lauv thij thiab tej kev muaj pab.
Vim li cas?
- UW:
- UW Employee Bus Pass Program (Muaj pib npav rau cov neeg ua haujlwm)
- UW Bicycle Commuting (Caij UW cov lauv thij tuaj/mus)
- UW Parking Permits (UW cov paib nres tsheb)
- UW Moped Parking (UW cov chaw nres moped)
- UW Van Pool (Koom caij UW cov van)
- Nroog Madison:
- General Parking Guide (Kev qhia nres tsheb)
- Residential Parking Permit (Paib rau cov neeg nyob ntawd nres)
- Street parking (Nres tsheb ntawm ntug kev)
Kev Pab thiab Cov Kev Pab Nyob Online:
Saib hauv UW Transportation Services (ntau qhov hauv thaj chaw) kawm ntxiv.Rau kev pab txog nres tsheb hauv nroog Madison, hu:
- 608-266-4275 rau teeb meem xyuas nres tsheb (hla cai nres).
- 608-266-4170 rau raug nplua nres tsheb.
- 608-266-4761 rau paib nres tsheb.
Cov Yuav Pab Tau
This is an accordion element with a series of buttons that open and close related content panels.
Cultural Linguistic Services (“CLS”)
Leej twg?
Tag nrho cov neeg ua haujlwm, tso npe rau haujlwm, thiab cov ceg ua haujlwm
Dab tsi?
Cultural Linguistic Services (CLS) muaj 2 yam kev pab txhawb cov neeg ua haujlwm thiab ceg ua haujlwm:
- Kev kawm pab ntawm haujlwm (Workplace Learning)
- Qhia thiab muab tswv yim kom sau ntawv twm yooj yim (Plain language training and consultation)
- Cov Hoob Askiv thiab muaj tus pab qhia dawb pab txoj haujlwm (Workplace English classes and tutoring)
- Qhia kawm computer yooj yim
- Muaj cov hoob qhia kom sib txuas lus tau zoo
- Kev pab txhais ntawv/lus (Language Services)
- Ntawv thiab lus Askiv, Spanish, Hmoob, Thaisnpej, Suav, thiab Nespablim
- Txhais ntawv thiab txhais lus
- Muaj cov hoob hais ntau yam lus qhia txog tej yam
Vim li cas?
CLS pab kom sib txuas lus ntawm haujlwm tau zoo raws:
- txhawb tam kev txawj txhais, tsis pub twg paub.
- muaj kev qhia sau kom twm to taub yooj yim thiab sib txuas lus tau zoo.
- muaj cov hoob Askiv, kawm computer yooj yim thiab ib tug qhia pab dawb.
Thaum twg?
Txhuas lub caij
Vim li cas?
- Rau cov kev pab rau lus Askiv ntawm haujlwm: hu tus CLS Workplace Manager rau 608-265-6651 los xa ntawv rau workplace-learning-cls@wisc.edu.
- Rau kev pab txhais ntawv los txhais lus: Hu rau tus CLS Interpretation and Translation Manager rau 608-890-2628 los xa ntawv rau translation-interpretation-cls@wisc.edu.
Kev Pab thiab Cov Kev Pab Nyob Online:
Kawm hauv ntxiv txog: Cultural Linguistic Services.
Divisional Disability Representative (“DDR”) (Ceg ua haujlwm tus xyuas kev pab kom ua tau num)
Leej twg?
Tag nrho cov neeg ua num thiab tso npe rau ib txoj haujlwm
Dab tsi?
Pab xyuas kev thov thiab tswj kev so vim muaj mob thiab xyuas kev pab kom ua tau haujlwm raws cov cai nram no:
- Americans with Disabilities Act (ADA)
- Family & Medical Leave Act (FMLA)
- cov cai qhaib rau qhov muaj mob los xiam oob khab
Cov Division Disability Representatives (DDR) kawm tiav:
- pab koj txog cov kev thov kom ua tau.
- coj koj ua raws cov kev ua thov.
- tiv thaiv tsis pub twg paub koj.
- ua haujlwm nrog qhov Employee Disability Resources (EDR), yog yuav tau ua?
Cov DDR nrog tau koj tham txog tej qhov nyuaj ua rau ua tsis tau haujlwm vim muaj mob, xiam oob khab, los yuav tau tu ib tug hauv tsev neeg.
Thaum twg?
- Txhua lub caij koj xav tau kev pab vim muaj kev xiam oob khab.
- Thaum koj xav thov caij so rau tus kheej vim muaj mob los tu ib tug neeg muaj mob loj hauv tsev.
Yuav ua li cas?
Teem ib lub caij nrog koj tus DDR tham.
Kev Pab thiab Cov Kev Pab Nyob Online:
- Employee Disability Resources (rau cov neeg ua haujlwm)
- McBurney Disability Resource Center (rau cov mejyig kawm ntawv)
- Onboarding Toolkit
WhatsApp Campus Information Groups
Leej twg?
Tag nrho cov neeg ua haujlwm
Dab tsi?
WhatsApp Campus Information Groups xa cov xov xwm tseem ceeb hauv tsev kawm ntawv rau lus Askiv, Spanish, Hmoob, Suav, Thaisnpej, los Nespablim (rau koj lub xovtooj ntawm tes).
Vim li cas?
Nkag rau ib pab WhatsApp Campus Information Groups kom tau txais cov xov xwm tseem ceeb hauv tsev kawm ntawv tam sim nyob hauv koj lub xovtooj.
Thaum twg?
Nkag tau txhua lu caij
Yuav ua li cas?
- Txo qhov WhatsApp rau hauv koj lub xovtooj los tablet.
- Puas xav tau kev pab? Saib cov kev qhia hauv sab CLS webpage.
- Ntxiv tus xovtooj (608) 514-2874 rau hauv koj daim npe xovtooj.
- (608) 514-2874 yog tus xovtooj tuav cov WhatsApp Campus Information Groups.
- Xa ib qho ntawv hauv WhatsApp rau (608) 514-2874 muab koj:
- lub npe thiab xeem.
- ceg ua haujlwm npe.
- yam ntawv los lus koj xav tau txais cov xov xwm.
Kev Paj thiab Cov Kev Pab Nyob Online:
Xa email CLS rau info-cls@wisc.edu
Saib kawm ntxiv nyob hauv: WhatsApp Campus Information Groups for UW‒Madison Employees
Kev Kawm Pab Txoj Haujlwm (Professional Development)
Leej twg?
Tag nrho cov neeg ua haujlwm
Dab tsi?
Kawm pab rau kom txawj, paub ntxiv, thiab tuav tau txoj haujlwm txhawb kom nce tau rau txoj haujlwm zoo.
- Nrhiav muaj txhiab hoob dawb los txo nqi kawm, cov caij sib tham sib qhia loj, qhia nyob online, thiab lwm yam.
- Muaj cov pab tswv yim (career conselors) ntsib pab koj xyuas cov hoob kawm thiab yuav nce mus rau txoj haujlwm them zoo li cas.
Vim li cas?
UW muaj kev txhawb pab ib tsoom tsom xyuas, txhawb thoob plaws hauv tsev kawm ntawv thiab ua kom muaj pab zoo tshaj nyob hauv UW.
Koj muaj caij koom tau nrog txhiab hoob kawm, cov hoob piav qhia, caij sib tham sib qhia, kev kawm nyob online, thiab lwm yam txhua xyoo.
Thaum twg?
Tso npe tau rau txhua hoob tuaj kawm kiag tim ntsej tim muag, nyob online, thiab raws cov hoob neeg xav kawm pab txoj haujlwm.
Yuav ua li cas?
Saib kawm ntxiv txog koj cov hoob muaj kawm pab txoj haujlwm:
- Cov hoob (courses) – Nrhiav thiab tso npe rau cov hoob nyob hauv peb qhov course catalog.
- Cov kev pab muaj ntawv pov thawj kawm tiav (Programs) – Cov kev pab muaj ntawv pov thawj kawm tiav cov hoob los caij qhia qhaib rau ib yam. Kawm cov hoob nyias kawm nyias los ib co sib qhaib kom tau ib daim ntawv pov thawj tiav kawm tiav.
- Cov caij sib tham sib qhia – Cov caij sib tham kawm 1-hnub los ntau hnub ua ke xyuas txog tej yam tseem ceeb rau kev ua haujlwm.
- Kev pab tswv yim rau txoj haujlwm (Careen couseling) – Ntsib nrog ib tug pab tswv yim rau txoj haujlwm dawb, tsis pub twg paub rau nrhiav kev pab, npaj, thiab tswj koj cov homphiaj ntawm haujlwm thiab kom mus tau rau txoj huajlwm zoo.
- Communities of Practice – Koom nrog UW ib pab cov neeg ua haujlwm sib qhia txog tej yam kev txhawj los nyiam. Ntsib pab neeg tas li thiab kawm ua ke.
- Career Mentoring – Ntsib ib tug pab coj xyuas txhawb thiab pab kom paub ua ntxiv rau tus kheej thiab ntawm haujlwm.
- LinkedIn Learning – Nrhiav saib txhiab hoob kawm pab txoj haujlwm nyob online hauv peb qhov LinkedIn Learning Career Hub.
- Develop Your Career (tsim tho kev rau koj txhoj haujlwm)
Kev Pab thiab Cov Kev Pab Nyob Online:
Xa email rau registrations2@ohr.wisc.edu.
Employee Assistance Programs (Cov Chaw Pab Neeg Ua Haujlwm)
Leej twg?
- Tag nrho cov neeg ua haujlwm—xam cov mejyig ua haujlwm yog graduate—thiab cov neeg nrog lawv nyob ib tse siv tau qhov Employee Assistance Office (EAO).
- Tag nrho cov neeg ua haujlwm—xam cov mejyig ua haujlwm yog graduate—siv tau lub Ombuds Office.
- Cov neeg ua haujlwm thiab cov nrog lawv nyob—tsis yog cov mejyig ua haujlwm yog graduate los cov mejyig ua haujlwm them nyiaj xuabmoos—siv tau qhov LifeMatters.
- Cov mejyig ua haujlwm them nyiaj xuab moos (thiab cov mejyig ua haujlwm yog graduate) yuav tsum siv University Health Services Mental Health Services.
Dab tsi?
Cov kev pab no muaj txhawb neeg ua haujlwm kom muaj kev kaj siab.
- EAO muaj:
- pab tswv yim tsis qhia thiab tham pub twg paub txog cov teeb meem ntawm haujlwm thiab tus kheej, dawb.
- muaj cov kws txawj pab tswv yim, muaj ntaub ntawv kawm tiav ntsib koj hauv computer thiab tim ntsej tim muag.
- Ombuds Office txhawb kom muaj kev ncaj ncee ntawm haujlwm thiab muaj:
- pab daws cov teeb meem ntawm haujlwm tsis pub twg paub, dawb.
- cov neeg pab tswv yim (UW cov xibfwb los neeg ua haujlwm muaj kev txhawj nyob hauv tsev kawm ntawv los lawm ntev) uas:
- ntsib tau koj tib leeg.
- pab kho kev tsis sib to taub.
- koom cov kev sib tham raug qhuab qhia.
- LifeMatters muaj:
- pab daws cov teeb meem ntawm haujlwm thiab tus kheej tsis pub twg paub.
- muaj cov kawm tas 6 xyoo pab tswv yim uas:
- nrog koj tham tau hauv xovtooj txhua hnub tauj ib xyoos, 24 xuab moos tauj ib hnub.
- nrog koj tham hauv computer los cov neeg pab tswv yim nyob ze ntsib kiag koj, thoob hauv teb chaws United States.
- muaj pab tswv yim rau cai lij choj thiab nyiaj txiag, kev pab yooj yim rau koj, thiab muaj txo nqi.
Vim li cas?
Koj ua tau haujlwm thaum koj zoo siab, noj qab haus huv, thiab muaj kev txhawb rau koj tus kheej thiab ntawm haujlwm.
Thaum twg?
Ob qho EAO thiab Ombuds Offices qhib txhua lub caij UW qhib ua haujlwm.
LifeMatters cov kev pab muaj txhua hnub tauj ib xyoos, 24 xuab moos tauj ib hnub.
Yuav ua li cas?
- EAO: hu 608-263-2987 los xa email rau eao@mailplus.wisc.edu.
- Ombuds Office: xa email rau uwombuds@mailplus.wisc.edu.
- LifeMatters: hu 800-634-6433 los:
- Mus rau hauv https://eap.mylifematters.com/login.
- Siv lawv tus password siv me ntsis Bucky1.
- Koj kuj tsim tau ib lub account dawb rau tus kheej.
Kev Ua Si thiab Kaj Siab (“Rec Well”)
Leej twg?
Tag nrho UW cov neeg tseem ua haujlwm muaj daim Wiscard nkag yuav ua xam mab xiv (membership) tau
Tag nrho UW cov mejyig yog undergraduate thiab graduate twb yog xam mab xiv los ntawm cov nqi lawv them nrog nqi ntawv
Dab tsi?
Cov neeg ua haujlwm yog Rec Well ib tug xam mab xiv siv tau 3 lub tsev ua si nyob hauv tsev kawm ntawv:
- Nicholas Recreation Center – sab hnub tuaj qab teb, ze lub Kohl Center
- Bakke Recreation & Wellbeing Center – sab hnub poob, ze cov Lakeshore Dorms
- Nielsen Tennis Stadium – sab hnub poob deb, ze UW Hospital
Cov tsev ua si no muaj:
- 2 lub pas ua luam dej, ntaus tennis hauv tsev thiab nraum zoov, twj ua kom lub plawv thiab cev muaj zog, cov hoob loj/me siv rau ntau yam, ice rink, nce phab ntsa, zuaj ib ce, chav qhia kawm ua noj, thiab chaw rau tus kheej nyob ntsiag to.
- lwm yam kev pab ntxiv, xws li cov kev pab muaj tus qhia ib tug kheej ua kom muaj zog, muaj cov hoob qhia ua kom lub cev muaj zog, muaj kev kis las, caij qhia, thiab kom muaj kev kaj siab.
Vim li cas?
Hauv Rec Well, peb txhawb cov homphiaj rau koj thiab koj kev noj qab haus huv, tsis hais koj nyob rau theem twg kom muaj kev kajsiab. Peb cov tsev ua si thiab kev pab nrov npe pab kom koj yog ib tug muaj zog, noj qab nyob zoo, tu tus kheej tau zoo ntxiv, thiab xav kom koj yog ib tug ntawm ib tsoom hauv tsev kawm ntawv.
Thaum twg?
Koj nkag yuav tau ua xam mab siv thiab/los cov kev muaj pab nyob online los tuaj kiag rau ntawm ib lub tsev Rec Well. Cov neeg nkag yuav thov tau kom coj mus ncig lub tsev thiab muaj ib asthiv rau sim dawb.
Yuav ua li cas?
- Twm kawm ntxiv nyob hauv Rec Well website.
- Tso npe nkag yuav ua xam mab xiv nyob online.
Kev Pab thiab Cov Kev Pab Nyob Online:
Xa email rau hello@recwell.wisc.edu.
Well Wisconsin Program
Leej twg?
Tag nrho cov neeg ua haujlwm rau xeev Wisconsin, so noj nyiaj, thiab lawv tus txij nkawm
Dab tsi?
Well Wisconsin yog ib qhov kev pab kom noj qab haus huv xeev Wisconsin thiab WebMD muaj.
- Koj thiab koj tus txij nkawm tso npe nkag tau.
- Well Wisconsin pab koj cuab koj cov homphiaj ua kom noj qab haus huv, tuav tseg seb koj ua txog qhov twg lawm, thiab kawm seb yuav ua li cas thiaj muaj kev noj qab nyob zoo.
Vim li cas?
Well Wisconsin muab ntaub ntawv tseem ceeb rau koj thiab ua kom koj nquag ua kom cuag koj cov homphiaj kom noj qab haus huv.
Twm kawm ntxiv nyob hauv Well Wisconsin Program.
Thaum twg?
Txhua lub caij
Yuav ua li cas?
- Saib daim Well Wisconsin Program video.
- Mus rau hauv Well Wisconsin portal los txo qhov Wellness At Your Side app hauv qhov App Store los Google Play.
- Siv tus lej (code) no tso npe: SOWI.
Saib kev qhia ntxiv hauv: Well Wisconsin Flyer Registration.
Kev Pab thiab Cov Kev Pab Nyob Online:
- Mus saib hauv WebMD los hu 1-800-821-6591.
- Saib hauv Well Wisconsin lub website.
Nyiaj Pub Ua Kom Muaj Kev Noj Qab Nyob Zoo (Wellness Incentive)
Leej twg?
Xeev Wisconsin cov neeg ua haujlwm, cov so noj nyiaj laus thiab lawv tus txij nkawm uas muaj Paj Kas Phais Kuaj Mob thiab muaj chaw nyob hauv teb chaws Asmeskas.
Yog koj qhov chaw nyob tawm sab nraum teb chaws Asmeskas, koj siv tau Well Wisconsin cov kev pab nyob online hauv WebMD, tab sis koj tsis tau qhov nyiaj pub $150.
Dab tsi?
Koj thiab koj tus txij nkawm ib leej tau ib Qho Nyiaj Pub rau Muaj Kev Noj Qab Nyob Zoo (txog $150) txhua xyoo yog koj:
- nkag rau Paj Kas Phais Kuaj Mob, thiab
- ua tiav 3 yam kom ua: kuaj ib ce, ntsuam kev noj qab nyob zoo, thiab ua 1 yam cov ua kom ntsib kev noj qab haus huv.
Vim li cas?
Koj yuav tau ib daim prepaid card $150 tom qab koj ua tiav 3 yam kom ua (kuaj ib ce, ntsuam kev noj qab nyob zoo, 1 yam ua kom ntsib kev noj qab haus huv). Nco: Qhov nyiaj no raug txiav se.
Thaum twg?
Mus rau hauv lub Well Wisconsin portal xyuas cov caij kawg thiab kev qhia tso npe.
Yog koj yog ib tug neeg ua haujlwm tshiab tau Paj Kas Phais Kuaj Mob thaum caij ntuj tsaug, tej zaum koj yuav tsis tau qhov Nyiaj Pub rau Muaj Kev Noj Qab Haus Huv no txog xyoo tom ntej.
Yuav ua li cas?
Puas yog tshiab rau qhov Well Wisconsin? Xyuas seb yuav tso npe li cas rau ib lub account.
Mus saib hauv lub Well Wisconsin portal ua kom tau daim prepaid card $150 thiab ua kom tiav qhov kuaj lub cev, ntsuam kev noj qab nyob zoo, thiab ua 1 yam kom ntsib kev noj qab haus huv.
Kev Pab thiab Cov Kev Pab nyob Online:
- Xa ntawv rau Madison Benefits Services, benefits@ohr.wisc.edu.
- Saib cov lus nug txog tas li (FAQ) hauv qab ntawm sab Well Wisconsin account.
UW–Madison
Leej twg?
Tag nrho cov neeg ua haujlwm
Dab tsi?
- UW Organization chart (Daim duab qauv cov haujlwm nyob rau)
- Working at UW (Qhov ntawv xov xwm rau cov ua num hauv UW)
- New Employee Orientation (NEO) (Kev piav qhia neeg tuaj ua haujlwm tshiab)
- Visit UW–Madison (Kev tuaj ncig saib UW-Madison)
- Narrated Self-Guided Tour (60-minutes) and Virtual Tour (Kev qhia coj tus kheej thiab saib hauv computer ncig)
- UW Rental Guide (Kev qhia xauj UW cov khoom)
- UW Childcare resources (Kev pab them nqi zov me nyuam)
- UW discounts (UW cov nqi txo)
Vim li cas?
- Kom paub txog hauv thaj chaw tsev kawm ntawv thiab cov kev muaj pab rau ua haujlwm thiab lub neej.
- To taub tus qauv khiav haujlwm, kev coj, thiab tswj ua haujlwm.
- Tsim kev ntseeg. Paub koj ua haujlwm nyob rau qhov twg, pab ua kom pom tias koj muaj qhov txuas nrog, pab qhia thiab npaj.
Thaum twg?
Txhua lub caij
Yuav ua li cas?
Kev Pab thiab Cov Kev Pab Nyob Online:
Hu los xa email rau koj tus thawjsaib los koj ceg ua haujlwm lub HR Office.
Kev Pab Txhais Ntawv los Lus
Rau kev pab txhais cov ntawv los lus nram no, thov hu rau Cultural Linguistic Services: