ལས་བྱེད་གསར་པར་དགའ་བསུ་ཞུ།

སུ།

གླ་ཕོགས་ཤོག་འཛར་ཐོབ་མཁན་ལས་བྱེད་ཡོངས (ཕོགས་མེད་འཕྲལ་སེལ་བསྐོ་བཞག་ལས་བྱེད་ཚུད་མེད)

ཅི་ཞིག

འགེང་ཤོག་ (Form I-9) ནི་མི་ཞིག་གིས་ཨ་རིར་ལས་ཀ་བྱེད་ཆོག་འོས་ཆོས་ཚང་མིན་ར་སྤྲོད་བྱེད་པར་སྤྱོད་པའི་སྤྱི་མཐུན་སྲིད་གཞུང་གི་འགེང་ཤོག་ཅིག་རེད། འགེང་ཤོག་ (Form I-9) ཡིས་ཁྱེད་ཀྱིས་ཨ་རིར་ལས་ཀ་བྱེད་ཆོག་པ་ར་སྤྲོད་བྱེད།

ཅིའི་ཕྱིར།

ཁྱེད་ཀྱིས་ཨ་རིར་ལས་ཀ་བྱེད་པར་འགེང་ཤོག་ (Form I-9) འགེང་འབུལ་ངེས་པར་བྱེད་དགོས། འགེང་ཤོག་ (Form I-9) འགེང་འབུལ་མ་བྱེད་པར་ ཁྱེད་ཀྱིས་ལས་ཀ་བྱེད་ཆོག་གི་མེད། ཁྱེད་ཀྱིས་འགེང་ཤོག་ I-9 དུས་ལྟར་འགེང་འབུལ་བྱེད་མེད་ཚེ། ཁྱེད་རང་ལས་ཀ་ནས་གནས་དབྱུང་གཏོང་ཆོག

ག་དུས།

ཁྱེད་ཀྱིས་འགེང་འབུལ་ངེས་པར་བྱེད་དགོས་པ་ནི།

• ཚན་པ་ ༡ དེ་ཁྱེད་ཀྱི་ཕོགས་འབབ་ལས་བཅར་ཉིན་དང་པོ་ལས་མ་འགྱངས་པ།
• ཚན་པ་ ༢ དེ་ཁྱེད་ཀྱི་ཕོགས་འབབ་ལས་བཅར་ཉིན་དང་པོ་ནས་བརྩིས་པའི་ལས་ཉིན་ ༣ གྱི་ནང་ཚུན།

ཇི་ལྟར།

ཁྱེད་ཀྱི་འགེང་ཤོག་ (Form I-9) དེ་རིམ་པ་ ༢ བརྒྱུད་ནས་འགེང་འབུལ་བྱ་རྒྱུ།

• ཁྱེད་ཀྱི་ཕོགས་འབབ་ལས་བཅར་ཉིན་དང་པོ་ལས་མ་འགྱངས་པར་ Workday ནང་དུ་ཚན་པ་ ༡ འགེང་འབུལ་བྱ་རྒྱུ།
  • ཁྱེད་ཀྱི་དྲ་མིང་ངོ་རྟགས་ (NetID)ཀྱིས་ Workday ཡི་ཁ་འབྱེད་རྒྱུ།
  • ཁྱེད་ཀྱི་སྤྱང་གྲུང་ཁ་པར་སྟེང་ནས་རྐྱེན་མང་ངོ་རྟགས་ར་འཕྲོད་ཌོའོ་ MFA-Duoཡིས་སམ་ཡང་ན་རྒྱུན་སྤྱོད་མཐེབ་གཅུ་ Frequency Operated Button (FOB) ཡིས་ཁྱེད་ཀྱི་ངོ་རྟགས་ར་སྤྲོད་བྱ་རྒྱུ།
  • ཞུ་སྒོ་(Tasks) ནང་དུ་ཚན་པ་ ༡ འཚོལ་རྒྱུ།
• དེ་ནས། མི་དངོས་ངོ་སྐྱོད་ཀྱིས་ I-9 Coordinator འབྲེལ་མཐུད་པའི་མཉམ་དུ་ཚན་པ་ ༢ འགེང་འབུལ་བྱ་རྒྱུ།
  • I-9 Coordinator འབྲེལ་མཐུད་པར་ཁྱེད་ཀྱི་ཕོགས་འབབ་ལས་བཅར་ཉིན་དང་པོ་ནས་བརྩིས་པའི་ལས་ཉིན་ ༣ གྱི་ནང་ཚུན་ ལ་ངོ་ཐུག་བྱ་རྒྱུ།
  • ཁྱེད་ཀྱི་ Form I-9 ངོས་ལེན་བྱེད་འོས་ཡིག་ཆ་ངོ་མ་རྣམསའཁྱེར་ཡོང་རྒྱུ།

རོགས་རམ་དང་དྲ་ལམ་གནས་ཚུལ་ཐོན་ཁུངས།

ལས་བྱེད་གསར་པ་སྣེ་ལེན་ཁང་ New Employee Welcome Center ནས་རོགས་རམ་ཞུ་རྒྱུ།

སུ།

ལས་བྱེད་ཡོངས།

ཅི་ཞིག

ཁྱེད་ཀྱི་དྲ་མིང་ངོ་རྟགས་ནི་ (NetID) ཁྱེད་ཀྱི་ཐུན་མོང་མ་ཡིན་པའི་ཝི་སི་ཀོན་སིན་གཙུག་ལག་སློབ་ཆེན་(མལ་ཌི་སིན་)གྱི་སྤྱོད་མིང་ (username) དང་གསང་ཚིག་ (password) ཡིན།

ཅིའི་ཕྱིར།

ཁྱེད་ཀྱིས་གཤམ་འཁོད་དག་གི་ཆེད་དུ་དྲ་མིང་ངོ་རྟགས་ངེས་པར་དུ་སྤྱོད་དགོས།

• MyUWདང་། Workday ། Office 365 ཡི་ཁ་འབྱེད་པ།
• ཁྱེད་ཀྱི་ལས་ཀའི་གློག་འཕྲིན་དང་། ཕོགས་སྤྲོད། ཁེ་ཕན་ཐོབ་ཐང་ལ་ལྟ་ཀློག་བྱེད་པ།
• དགོས་ངེས་ཟབ་སྦྱོང་ལེན་པ།
• ལས་ཀའི་སྐབས་སུ་དྲ་ལམ་གནས་ཚུལ་ཐོན་ཁུངས་གཞན་པ་བེད་སྤྱོད་བྱེད་པ།

ག་དུས།

ཁྱེད་ཀྱི་ལས་རྩོམ་ལྡེ་མིག་ (activation key) འབྱོར་བ་དང་གང་མགྱོགས་དྲ་མིང་ངོ་རྟགས་ལས་སུ་རུང་བ་བཟོ་རྒྱུ།

ཇི་ལྟར།

ཁྱེད་ཀྱི་དྲ་མིང་ངོ་རྟགས་ལས་སུ་རུང་བ་བཟོ་རྒྱུ།

1. ༡། དྲ་མིང་ངོ་རྟགས་ལས་རྩོམ་ (NetID Activation) ཞེས་པར་འགྲོ་རྒྱུ།
2. ༢། ཁྱེད་ཀྱི་ལས་རྩོམ་ལྡེ་མིག་ (activation key) དང་སྐྱེས་ཚེས་ (date of birth) འབྲི་འཇུག་བྱ་རྒྱུ།
3. ༣། ཆ་རྐྱེན་ཁག་ངོས་ལེན་ (Agree) བྱ་རྒྱུ།
4. ༤། བསྐྱར་གསོའི་དྲི་བ་ (recovery questions) ཁག་བཟོ་འདོན་བྱ་རྒྱུ།
5. ༥། བརྟན་ཆ་ཅན་གྱི་གསང་ཚིག་ (secure password) གསར་བཟོ་བྱ་རྒྱུ།
6. ༦། སྔར་ལས་བརྟན་པོ་བཟོ་ཆེད་རྐྱེན་མང་ངོ་རྟགས་ར་འཕྲོད་ཌོའོ་ MFA-Duo བཟོ་སྒྲིག་བྱ་རྒྱུ།

རོགས་རམ་དང་དྲ་ལམ་གནས་ཚུལ་ཐོན་ཁུངས།

སུ།

ལས་བྱེད་ཡོངས།

ཅི་ཞིག

རྐྱེན་མང་ངོ་རྟགས་ར་འཕྲོད་ཌོའོ་ (MFA-Duo) ནི་ཁྱེད་ཀྱིས་ཝི་སི་ཀོན་སིན་གཙུག་ལག་སློབ་ཆེན་ཐོ་ཁོངས་ (UW accounts) ཀྱི་ཁ་འབྱེད་སྐབས་ བདེ་འཇགས་ཡོང་ཐབས་རིམ་པ་གཉིས་པ་དེ་རེད།

• ཐོག་མར་ཁྱེད་ཀྱི་དྲ་མིང་ངོ་རྟགས་དང་གསང་ཚིག་གིས་ཁྱེད་རང་གི་ཝི་སི་ཀོན་སིན་གཙུག་ལག་སློབ་ཆེན་ཐོ་ཁོངས་ཀྱི་ཁ་འབྱེད་རྒྱུ།
• དེ་ནས། MFA-Duo ཡིས་ཁྱེད་ཀྱི་སྤྱང་གྲུང་ཁ་པར་ (smartphone) རམ་ཊབ་ལེབ་ (tablet) ལ་བརྡ་ཐོ་གཏོང་ངེས།

• • བརྡ་ཐོ་བཏང་བར་ཆོག་མཆན་སྤྲོད་རྒྱུ།

• ཁྱེད་ཀྱིས་ཐོ་ཁོངས་ཀྱི་ཁ་འབྱེད་པར་ཆོག་མཆན་ངེས་པར་དུ་སྤྲོད་དགོས།

གལ་ཏེ་ཁྱེད་ལ་སྤྱང་གྲུང་ཁ་པར་རམ་ཊབ་ལེབ་མེད་ཚེ། ཁྱེད་ཀྱི་སྡེ་ཁག་གི་ལས་བྱེད་བདག་གཉེར་ཡིག་ཚང་ནས་ཕོབ་ fob ཞུ་ལེན་བྱ་རྒྱུ།

ཅིའི་ཕྱིར།

ཁྱེད་ཀྱིས་ངེས་པར་དུ་ རྐྱེན་མང་ངོ་རྟགས་ར་འཕྲོད་ཌོའོ་ MFA-Duo སྤྱད་ནས་ MyUW དང་། Workday ། Canvas ། ཁྱེད་ཀྱི་ ཝི་སི་ཀོན་སིན་གཙུག་ལག་སློབ་ཆེན་གློག་འཕྲིན་བཅས་ཀྱི་ཁ་འབྱེད་དགོས། རྒྱུ་མཚན་ནི་དེ་ཡིས་

• ཁྱེད་ཀྱི་མི་སྒེར་དང་གཙུག་ལག་སློབ་ཆེན་གྱི་གཞི་གྲངས་གནས་ཚུལ་སྲུང་སྐྱོབ་བྱེད།
• མི་གཞན་ཞིག་ལ་ཁྱེད་ཀྱི་དྲ་མིང་ངོ་རྟགས་དང་གསང་ཚིག་ཡོད་ནའང་ཁྱེད་ཀྱི་ཐོ་ཁོངས་ཀྱི་ཁ་འབྱེད་རྒྱུར་སྔོན་འགོག་བྱེད།

ག་དུས།

• ཁྱེད་ཀྱི་དྲ་མིང་ངོ་རྟགས་ NetIDཀྱི་ལས་མགོ་བརྩམས་པ་དང་འཕྲལ་དུ་ཁྱེད་རང་གི་ རྐྱེན་མང་ངོ་རྟགས་ར་འཕྲོད་ཌོའོ་ MFA-Duo བཟོ་སྒྲིག་ བྱ་རྒྱུ། ཁྱེད་ཀྱིས་ཝི་སི་ཀོན་སིན་གཙུག་ལག་སློབ་ཆེན་སྒྲིག་འཛུགས་མང་ཆེ་བ་ཁ་འབྱེད་བྱེད་པར་ངེས་པར་དུ་ MFA-Duo བཟོ་སྒྲིག་བྱེད་དགོས།
• ཁྱེད་ཀྱི་ལས་བཅར་བདུན་ཕྲག་དང་པོའི་ནང་དུ་བསྐྱར་གསོའི་དྲི་བ་དང་ རྐྱེན་མང་ངོ་རྟགས་ར་འཕྲོད་ཌོའོ་ MFA-Duo བཟོ་སྒྲིག་བྱ་རྒྱུ།

ཇི་ལྟར།

MFA-Duo བཟོ་སྒྲིག་བྱ་རྒྱུ (གནས་ཚུལ་འཕར་མ་ཞེས་པར་སྒྲིལ་སྐྱོད་བྱ་རྒྱུ)

རོགས་རམ་དང་དྲ་ལམ་གནས་ཚུལ་ཐོན་ཁུངས།

བརྡ་འཕྲིན་ཚན་རྩལ་ལས་ཁུངས་རོགས་རམ་མདུན་ཅོག་ DoIT Help Desk ལ་ (608) 264-4357 ཁ་པར་གཏོང་བའམ་ help@doit.wisc.eduལ་གློག་འཕྲིན་བསྐུར་རྒྱུ།

སུ།

གླ་ཕོགས་ཤོག་འཛར་ཐོབ་མཁན་ལས་བྱེད་ཡོངས།

ཅི་ཞིག

Workday ནི་ལས་བྱེད་ཚོས་ལས་ཀའི་ཞུ་སྒོ་བསྒྲུབ་པར་སྤྱོད་པའི་དྲ་ལམ་མ་ལག་ཅིག་རེད།

Workday ཡི་ཁ་ཕྱེས་ཏེ།  དེ་ནས་

• ཁྱེད་ཀྱི་མི་སྒེར་དང་ལས་བྱེད་སྐོར་གྱི་གནས་ཚུལ་ལ་གཟིགས་རྒྱུ་དང་གསར་སྣོན་བྱ་རྒྱུ།
• ངལ་གསོ་ཐོབ་སེང་དགོངས་ཞུ་འབུལ་རྒྱུ།
• ཁྱེད་ཀྱི་ལས་བཅར་ཆུ་ཚོད་དང་ལས་ཆད་ཐོབ་སེང་དགོངས་ཞུ་སྐོར་ལ་ལྟ་ཞིབ་བྱ་རྒྱུ།
• ཁྱེད་ཀྱི་གླ་ཕོགས་ཤོག་འཛར་ལ་བལྟ་རྒྱུ།
• ཐད་ཀར་བཅོལ་འཇོག་ (direct deposit) དང་དཔྱ་ཁྲལ་བསྡུ་འབབ་ (tax withholdings) སྟངས་འཛིན་བྱ་རྒྱུ།
• ཁེ་ཕན་ཐོབ་ཐང་ཁོངས་སུ་འཛུལ་ཞུགས་དང་འགྱུར་བ་གཏོང་རྒྱུ།
• ཁྱེད་ཀྱི་ལས་ཆོད་ཞིབ་བཤེར་ཞུ་སྒོ་གཙང་བསྒྲུབ་བྱ་རྒྱུ།
• ཟབ་སྦྱོང་ལེན་རྒྱུ་དང་ཆེད་ལས་ཡར་རྒྱས་གོང་འཕེལ་དོ་དམ་བྱ་རྒྱུ།

ཅིའི་ཕྱིར།

Workday ནང་དུ། ཁྱེད་ཀྱིས་རང་ཉིད་ཀྱི་ལས་ཞུགས་གནས་ཚུལ་དེ་ངལ་གསོ་ཐོབ་སེང་དགོངས་ཞུ་དང་། ལས་བཅར་ཆུ་ཚོད། ཁེ་ཕན་ཐོབ་ཐང་། ལས་ཆོད་ ཞིབ་བཤེར། ཆེད་ལས་ཡར་རྒྱས་སོགས་ལས་བྱེད་དྲ་ངོས་གཅིག་ནས་སྟངས་འཛིན་བྱེད་ཐུབ།

ག་དུས།

ཁྱེད་ཀྱི་དྲི་མིང་ངོ་རྟགས་ NetID དང་རྐྱེན་མང་ངོ་རྟགས་ར་འཕྲོད་ཌོའོ་ [Multi-Factor Authentication (MFA-Duo)] ཡི་ལས་མགོ་ བརྩམས་པ་དང་གང་མགྱོགས་ Workday བེད་སྤྱོད་བྱ་རྒྱུ།

རྒྱུན་དུ་གཤམ་གསལ་ཁག་གི་ཆེད་དུ་བེད་སྤྱོད་བྱ་རྒྱུ།

• ངལ་གསོ་ཐོབ་སེང་དགོངས་ཞུ་ (time off) དང་ལས་ཆད་ཐོབ་སེང་དགོངས་ཞུ (leave requests) །
• ཕོགས་ཐོབ་དང་ཁེ་ཕན་ཐོབ་ཐང་སྐོར་གྱི་གསར་གནས (དམིགས་བསལ་གྱིས་མིང་འགོད་འཛུལ་ཞུགས་བྱེད་པ)
• ལོ་མཇུག་དཔྱ་ཁྲལ་ཞུ་སྒོ་ཁག
• ལོ་དཀྱིལ་དང་ལོ་འཁོར་ལས་ཆོད་ཞིབ་བཤེར།

ཇི་ལྟར།

Workday བེད་སྤྱོད།

1. ཁྱེད་ཀྱི་གློག་ཀླད་ཀམ་པུ་ཊར་སྟེང་ནས་སམ་ཡང་ན་ Workday ལག་འཁྱེར་ཁ་པར་བཀོལ་ཆས་ཐོག་ནས་ Workday ཡི་ཁ་འབྱེད་རྒྱུ།
2. པར་རས་ (Canvas) ནང་གི་ “Workday for All Employees” ཟབ་སྦྱོང་ཆ་ཚང་ལེན་རྒྱུ(ཆུ་ཚོད་སྐར་མ་ ༤༥ ཙམ)།
3. ཁྱེད་ཀྱི་ Workday མདུན་ཤོག་མྱུལ་ཞིབ་བྱ་རྒྱུ། ངའི་ཞུ་སྒོ་ “My Tasks” དང་། བརྡ་ཐོ། མགྱོགས་ལམ་ (shortcuts) ལྟ་བུ།
4. དགོས་དུས་དམིགས་བསལ་ཚན་པ་བེད་སྤྱོད་བྱ་རྒྱུ། ངལ་གསོ་ཐོབ་སེང་དགོངས་ཞུ། ཁེ་ཕན་ཐོབ་ཐང་། ཕོགས་སྤྲོད། ཟབ་སྦྱོང་། ལས་འཁུར་ཞུ་ཕྱོགས་སོགས།

རོགས་རམ་དང་དྲ་ལམ་གནས་ཚུལ་ཐོན་ཁུངས།

སུ།

གླ་ཕོགས་ཤོག་འཛར་ཐོབ་མཁན་ལས་བྱེད་ཡོངས། (ཕོགས་མེད་བསྐོ་བཞག་ལས་བྱེད་རྣམས་ཚུད་མེད)

ཅི་ཞིག

ཐད་ཀར་བཅོལ་འཇོག་བརྒྱུད་ནས་ཕོགས་ཐོབ་ལེན་རྒྱུ (དངུལ་སྒོར་ཐད་ཀར་ཁྱེད་ཀྱི་མི་སྒེར་དངུལ་ཁང་ཐོ་ཁོངས་ནང་དུ་འགྲོ་རྒྱུ)།

ཅིའི་ཕྱིར།

ཁྱེད་ལ་ U.S. Bank Focus Pay Card འམ་ཤོག་གུའི་ཅེག་འཛིན་ཐོག་ནས་བཅོལ་འཇོག་གིས་འབྱོར་དགོས་པ་ཞིག་མ་ཡིན་པར་ཁྱེད་རང་གི་ དངུལ་ཁང་ཐོ་ཁོངས་ནང་དུ་ཐད་ཀར་བཅོལ་འཇོག་བྱེད་པ་བརྒྱུད་ནས་གླ་ཕོགས་སྤྲོད་ཆོག

ག་དུས།

ཁྱེད་ཀྱི་ལས་ཀ་འགོ་འཛུགས་བྱེད་ཉིན་ནས་ཉིན་ ༥ ནང་ཚུན་ལ་ Workday (ཁྱེད་ཀྱི་དངུལ་ཁང་ཐོ་ཁོངས་གནས་ཚུལ་སྤྱད་དེ) ནང་དུ་ཐད་ཀར་བཅོལ་འཇོག་ བཟོ་སྒྲིག་བྱ་རྒྱུ།

གལ་ཏེ་ཁྱེད་རང་གི་དངུལ་ཁང་སྐོར་འབྲི་འཇུག་མ་བྱེད་ཚེ། ཁྱེད་ལ་

• ཤོག་གུའི་ཕོགས་ཐོབ་ཅེག་འཛིན་འབྱོར་རྒྱུ། ཡང་ན་།
• ཁྱེད་ཀྱི་ཕོགས་ཐོབ་ཅེག་འཛིན་དང་པོའི་ཆེད་དུ་ U.S. Bank Focus Pay Card ཁོངས་སུ་རང་འགུལ་གྱིས་ཁོངས་འཇུག་བྱེད་ངེས།

ཇི་ལྟར།

• ལས་བྱེད་ཀྱི་ཕོགས་ཐོབ་འདེམ་སྒྲུག་(ཐད་ཀར་བཅོལ་འཇོག) [Payment Elections (Direct Deposit) – Employee] བཟོ་སྒྲིག་བྱ་རྒྱུ།

རོགས་རམ་དང་དྲ་ལམ་གནས་ཚུལ་ཐོན་ཁུངས།

ཁྱེད་ཀྱི་འབྲེལ་ཡོད་སྡེ་ཁག་ལས་བྱེད་བདག་གཉེར་ཡིག་ཚང་ལ་ཁ་པར་གཏོང་བའམ་གློག་འཕྲིན་བསྐུར་རྒྱུ།

སུ།

Glacier ཐོ་ཁོངས་མེད་མཁན་ལས་བྱེད་ཡོངས།

ཅི་ཞིག

དབུས་སྲིད་གཞུང་དང་མངའ་སྡེ་གཞུང་གི་དཔྱ་ཁྲལ་བསྡུ་འབབ་བཟོ་སྒྲིག་བྱ་རྒྱུ (ཁྱེད་ཀྱི་གླ་ཕོགས་ནས་དངུལ་སྒོར་བཏོན་ཏེ་དཔྱ་ཁྲལ་སྒྲུབ་འཇལ་བྱེད་པ)

ཅིའི་ཕྱིར།

ཁྱེད་ཀྱི་གླ་ཕོགས་ནས་དངོས་འབྲེལ་གྱིས་དངུལ་སྒོར་ཅི་ཙམ་བསྡུ་ལེན་བྱེད་དེ་འབབ་ཁྲལ་ཆེད་དུ་སྤྲོད་ཀྱི་ཡོད་པ་ཤེས་རྟོགས་བྱ་རྒྱུ།

ག་དུས།

ཁྱེད་ཀྱི་ལས་ཉིན་དང་པོ་ལ་དབུས་སྲིད་གཞུང་དང་མངའ་སྡེའི་དཔྱ་ཁྲལ་བསྡུ་འབབ་སྐོར་གསར་སྣོན་བྱ་རྒྱུ།

• ཁྱེད་ལ་ཡོང་འབབ་ཁྲལ་འཇལ་ལ་དོ་ཕོག་ཐེབས་པའི་མི་ཚེའི་འགྱུར་ལྡོག་བྱུང་ཡོད་ཚེ་ཁྱེད་ཀྱི་འབབ་ཁྲལ་བསྡུ་འབབ་ལ་འགྱུར་བ་གཏོང་ཆོག (མངའ་སྡེ་གསར་པ་ཞིག་ཏུ་གནས་སྤོར་བ་དང་། ཁྱོ་ཤུག་འབྲེལ་བར་འགྱུར་ལྡོག ལས་ཀ་འཐོལ་བ་བྱེད་པ། ཡོང་འབབ་འཕར་མ་ཡོད་པ་ལྟ་བུ)
• གལ་ཏེ་ཁྱེད་རང་ཝི་སི་ཀོན་སིན་ཕྱི་ལོགས་སུ་གནས་སྡོད་དང་ལས་ཀ་བྱེད་ཀྱི་ཡོད་ཚེ། ཁྱེད་ཀྱི་མངའ་སྡེའི་དཔྱ་ཁྲལ་རྩིས་རྒྱག་ཆེད་ Workday ནང་དུ་རེས་མོས་ལས་ཀ་བྱ་ཡུལ་ (Alternate Work Location) འབྲི་འཇུག་བྱ་རྒྱུ། ཁྱེད་ཀྱི་གནས་སྟངས་འདི་ལྟར་ཡིན་ཚེ་ ཁྱེད་ཀྱི་འབྲེལ་ཡོད་སྡེ་ཁག་ལས་བྱེད་བདག་གཉེར་ཡིག་ཚང་ལ་ཁ་པར་གཏོང་བའམ་གློག་འཕྲིན་བསྐུར་རྒྱུ།

ཇི་ལྟར།

• ལས་བྱེད་ཀྱི་དབུས་སྲིད་གཞུང་དཔྱ་ཁྲལ་བསྡུ་འབབ་འདེམ་སྒྲུག་ [Federal Tax Withholding Elections – Employee] འགེང་འབུལ་བྱ་རྒྱུ།
• ལས་བྱེད་ཀྱི་མངའ་སྡེ་དང་ས་གནས་དཔྱ་ཁྲལ་བསྡུ་འབབ་འདེམ་སྒྲུག་ [State and Local Tax Withholding Elections – Employee]འགེང་འབུལ་བྱ་རྒྱུ།

རོགས་རམ་དང་དྲ་ལམ་གནས་ཚུལ་ཐོན་ཁུངས།

ཁྱེད་ཀྱི་འབྲེལ་ཡོད་སྡེ་ཁག་ལས་བྱེད་བདག་གཉེར་ཡིག་ཚང་ལ་ཁ་པར་གཏོང་བའམ་གློག་འཕྲིན་བསྐུར་རྒྱུ།

སུ།

གཙུག་ལག་སློབ་ཆེན་ཕོགས་སྤྲོད་ཁྱབ་ཁོངས་སུ་གླ་ཕོགས་སམ་མ་དངུལ་ཐོབ་མཁན་ལས་བྱེད་ཕྱི་རྒྱལ་མི་དང་། ཡུལ་སྡོད་ཕྱི་མི། ཡུལ་སྡོད་མིན་པའི་ཕྱི་མི་ཡོངས།

ག་རེ།

Glacier ནི་ Workday དང་མཉམ་ལས་ཐོག་ཕོགས་ཐོབ་ཀྱི་ཁྲལ་འབབ་འཕྱུག་པ་མེད་པར་བསྡུ་ལེན་བྱེད་པའི་མཉེན་ཆས་ལས་རིམ་ཞིག་རེད།

ཅིའི་ཕྱིར།

Glacier ཡིས་དཔྱ་ཁྲལ་བསྡུ་འབབ་འཕྱུག་པ་མེད་པ་དང་དཔྱ་ཁྲལ་ཡུལ་མིའི་གནས་བབ་གང་ཡིན་ཐག་གཅོད་བྱེད།

ག་དུས།

• ཁྱེད་ལ་ལས་ཀར་བསྐོ་བཞག་བྱས་ཉིན་རྗེས་སུ་ Glacier ཐོ་ཁོངས་ཤིག་འབྱོར་ངེས།
• ཁྱེད་རང་ལས་ཀར་བསྐོ་བཞག་བྱས་པའི་ཉིན་ ༥ ནང་ཚུན་ Glacier ཐོ་ཁོངས་ངེས་པར་དུ་གསར་བཅོས་བྱེད་དགོས།
• ཁྱེད་རང་གི་Glacier ཐོ་ཁོངས་གསར་བཅོས་བྱས་པའི་ཉིན་ ༢ ནང་ཚུན་ཡིག་ཆ་དང་དགོས་འདུན་བླང་བྱ་བཏོན་པའི་ཡིག་ཆའི་ངོ་བཤུས་ངེས་ པར་དུ་འབུལ་སྤྲོད་ཞུ་དགོས། འགྱུར་བའི་ཁོངས་སུ་ཕལ་ཆེར་ཐོངས་མཆན་ཀྱི་རིགས་དང་། གཞིས་སྤོ་གནས་བབ་དུས་འགྱངས། ཕྱིར་ཐོན་ཟླ་ཚེས།   ཡང་ན་ཨ་རིར་གནས་སྡོད་བཅས་ཚུད་ཡོད།

ཇི་ལྟར།

• ང་ལ་ Glacier ཐོ་ཁོངས་ཇི་ལྟར་ཐོབ་དགོས་ཞེས་པར་བལྟ་རྒྱུ།
• དྲི་བ་ཡོད་དམ། glacier@ohr.wisc.eduལ་གློག་འཕྲིན་བསྐུར་རྒྱུ།
• ཁྱེད་ཀྱིས་ཡིག་ཆ་རྣམས་ངེས་པར་དུ་ 21 N. Park Street, Room 5101 (5^th floor) ན་ཡོད་པའི་ལས་བྱེད་བདག་གཉེར་ལས་ཁུངས་ (Office of Human Resources) ལ་འཁྱེར་དགོས།

རོགས་རམ་དང་དྲ་ལམ་གནས་ཚུལ་ཐོན་ཁུངས།

རྒྱལ་སྤྱིའི་ཕོགས་སྤྲོད་དང་དཔྱ་ཁྲལ་ International Payroll and Taxes དྲ་ཚིགས་ལ་བལྟ་རྒྱུ།

སུ།

སློབ་ཕྲུག་དང་། ལས་བྱེད། རྒས་ཡོལ། མཚན་གནས་རྗེས་འབྲེལ emeriti ། ཝི་སི་ཀོན་སིན་གཙུག་ལག་སློབ་ཆེན་སྨན་ཁང་། ཝི་སི་ཀོན་སིན་     གཙུག་ལག་སློབ་ཆེན་སྒྲིག་འཛུགས། ཝི་སི་ཀོན་སིན་གཙུག་ལག་སློབ་ཆེན་རྒྱ་སྐྱེད་ཡན་ལག་ UW–Extension འབྲེལ་ཡོད་ཀུན།

ག་རེ།

ཁྱེད་ཀྱི་ཝི་སི་ཀར་ཌི་Wiscard ནི་ཁྱེད་ཀྱི་ཝི་སི་ཀོན་སིན་གཙུག་ལག་སློབ་ཆེན་གཞུང་འབྲེལ་འདྲ་པར་ངོ་རྟགས་ལག་འཁྱེར་རེད།

གཤམ་གསལ་ཆེད་དུ་ཁྱེད་ཀྱི་ཝི་སི་ཀར་ཌི་ Wiscard བེད་སྤྱོད་བྱ་རྒྱུ།

• སློབ་ཆེན་གྱི་ཁང་པའི་ནང་དུ་འགྲོ་འཛུལ།
• ཝི་སི་ཀོན་སིན་གཙུག་ལག་སློབ་ཆེན་གྱི་དཔེ་མཛོད་ཁང་དང་། Rec Well ཁང་ཁུངས། སྦ་སི་བཅས་བེད་སྤྱོད།
• གཙུག་ལག་སློབ་ཆེན་གྱི་ཞབས་ཞུ་ཆེད་དུ་གཟུགས་ཅན་ངོ་བོ་མཚོན་པའི་ལག་འཁྱེར་ཞིག་ཡིན་པ།
• ཟ་འཐུང་དང་། དཔེ་དེབ་ཚོང་ཁང་། རང་འགུལ་ཚོང་ཟོག་ (vending) ཆེད་དུ་རང་དངུལ་བྱང་བུ་ཀར་ཌི་ཐོ་ཁོངས་ (debit account) ཀྱི་གདམ་ཀ (རྒྱུན་དུ་ 5% ཆག་ཡང་ཡོད་པ)

ཅིའི་ཕྱིར།

ཁྱེད་ཀྱི་ཝི་སི་ཀར་ཌི་ Wiscard ནི་ཁྱེད་ཀྱི་ཝི་སི་ཀོན་སིན་གཙུག་ལག་སློབ་ཆེན་ལག་འཁྱེར་རེད་ལ། དེ་བེད་སྤྱོད་ཀྱིས་ཁང་པར་འགྲོ་འཛུལ་དང་ཞབས་ཞུ་ ཞུ་ལེན་བྱེད་དགོས།

ག་དུས།

• དགེ་རྒན་དང་ལས་བྱེད། ཁྱེད་ཀྱི་ཝི་སི་ཀར་ཌི་ Wiscardལས་ཀ་འགོ་འཛུགས་མ་བྱེད་ཉིན་ ༡༤ སྔོན་ལ་ལེན་ཐུབ།
• སློབ་ཕྲུག ཁྱེད་ཀྱི་ཝི་སི་ཀར་ཌི་ Wiscardའཛིན་གྲྭར་ཐོ་འགོད་བྱས་རྗེས་སམ་རྒྱུས་སྟོན་སྦྱོང་བརྡར་སྐབས་ལེན་རྒྱུ།
• ཁྱེད་ཀྱི་ཝི་སི་ཀར་ཌི་ Wiscardདང་པོ་རིན་མེད་ཡིན་ལ་ལོ་ ༥ ལ་འདང་ངེས།

ཇི་ལྟར།

• ཝི་སི་ཀར་ཌི་ Wiscard ཡིག་ཚང་ (ཁང་མིག་ཨང་ 149 in Union South, 1308 W Dayton) འགྲོ་རྒྱུ།
• ཕྱི་སྐྱོད་ལག་འཁྱེར་རམ་ཨ་རིའི་ཁ་ལོ་པའི་ལག་འཁྱེར་ལྟ་བུ་སྲིད་གཞུང་གི་སྤྲད་པའི་པར་ཅན་ངོ་རྟགས་ལག་འཁྱེར་འཁྱེར་ཡོང་རྒྱུ།
• ཝི་སི་ཀར་ཌི་Wiscard ལས་བྱེད་ཀྱིས་ཁྱེད་ཀྱི་འདྲ་པར་ལེན་པ་དང་། ཁྱེད་ཀྱི་ཝི་སི་ཀར་ཌི་ Wiscard གང་མགྱོགས་སྤྲོད་ངེས།
• ཁྱེད་ཀྱིས་མི་དངོས་ཆེད་སྐྱོད་དམ་དྲ་ཐོག་ནས་ཁྱེད་རང་གི་སློབ་ཆེན་རང་དངུལ་ཐོ་ཁོངས་(debit account) ལས་སུ་རུང་བ་བཟོ་དགོས།

རོགས་རམ་དང་དྲ་ལམ་གནས་ཚུལ་ཐོན་ཁུངས།

ཝི་སི་ཀར་ཌི་ Wiscard ཡིག་ཚང་།

• Union South, ཁང་མིག་ཨང་ 149, 1308 W Dayton ཕེབས་རྒྱུ།
• ༦༠༨ ༢༦༢ ༣༢༥༨ ལ་ཁ་པར་གཏོང་བའམ་ wiscard@union.wisc.eduགློག་འཕྲིན་བསྐུར་རྒྱུ།
• འདི་ནས་གནས་ཚུལ་རྒྱས་པ་གཟིགས་རྒྱུ། Wiscard རྒྱུན་འདྲིའི་དྲི་བ།

ཀར་ཌི་བོར་བརླག་གམ་རྐུ་འཁྱེར་ཤོར་ཚེ། དྲ་སྒོ་ནས་རྩིས་མེད་བཟོ་རྒྱུ་དང་ཝི་སི་ཀར་ཌི་ Wiscard ཡིག་ཚང་ལ་འབྲེལ་བ་བྱ་རྒྱུ།

སུ།

གཤམ་འཁོད་ཐོ་གཞུང་ལ་བལྟ་རྒྱུ (4.a དང་ 4.b) ཁྱེད་ཀྱི་ལས་བྱེད་དབྱེ་བའམ་རིགས་ (employee classification) གང་ཡིན་བཙལ་ཏེ་ ཁྱེད་ཀྱི་ལས་བཅར་ཆུ་ཚོད་ཐོ་འགོད་ཇི་ལྟར་བྱེད་དགོས་པ་རྒྱུས་ལོན་བྱ་རྒྱུ།

ག་རེ།

ལས་བཅར་ཞུས་པའི་ཆུ་ཚོད་ཐོ་འགོད་བྱ་རྒྱུ།

(4.a) གལ་ཏེ་ཁྱེད་ཀྱི་ལས་བྱེད་དབྱེ་བའམ་རིགས་གཤམ་འཁོད་གང་རུང་ཡིན་ཚེ། ཁྱེད་ཀྱི་ལས་བཅར་ཆུ་ཚོད་ཐོ་འགོད་བྱེད་པར་དུས་ཚོད་འཁོར་ཆས་སམ་ ལས་བཅར་དུས་ཚོད་རེའུ་མིག (Time Clock or the Timesheet) བེད་སྤྱོད་བྱ་རྒྱུ།

• ཆུ་ཚོད་ལྟར་གྱི་གཙུག་ལག་སློབ་ཆེན་ལས་བྱེད་ཚན་པ (Hourly University Staff)
• ཆག་ཡང་མེད་པའི་རིག་གནས་ལས་བྱེད་ཚན་པ (Nonexempt Academic Staff)
• ཆུ་ཚོད་ལྟར་གྱི་སློབ་ཕྲུག (Student Hourly)
• ཆག་ཡང་མེད་པའི་ཞིབ་འཇུག་ལས་རོགས (Nonexempt Graduate Assistant)

(4.b) གལ་ཏེ་ཁྱེད་ཀྱི་ལས་བྱེད་དབྱེ་བའམ་རིགས་གཤམ་འཁོད་གང་རུང་ཡིན་ཚེ། དགོས་དུས་ (ཁྱེད་ཀྱི་ལས་བཅར་ཆུ་ཚོད་ཐོ་འགོད་མ་བྱེད) Workday ནང་དུ་ངལ་གསོ་ཐོབ་སེང་དགོངས་ཞུ་འབུལ་རྒྱུ།

• ཆག་ཡང་ཅན་གྱི་རིག་གནས་ལས་བྱེད་ཚན་པ (Exempt Academic Staff)
• ཆག་ཡང་ཅན་གྱི་གཙུག་ལག་སློབ་ཆེན་ལས་བྱེད་ཚན་པ (Exempt University Staff)
• དགེ་རྒན (Faculty)
• ཆག་ཡང་ཅན་གྱི་ཚད་བཀག་ལས་བྱེད (Exempt Limited Staff)

ཅིའི་ཕྱིར།

ཁྱེད་ཀྱི་ཆུ་ཚོད་འཕྱུག་པ་མེད་པར་ཐོ་འགོད་བྱ་རྒྱུ། དེ་ལྟར་ཁྱེད་ལ་གླ་ཕོགས་ཏག་ཏག་སྤྲོད་ཐུབ།

ག་དུས།

(4.a) གལ་ཏེ་ཁྱེད་ཀྱིས་ལས་བཅར་དུས་ཚོད་རེའུ་མིག་ (Timesheet) གམ་དུས་ཚོད་འཁོར་ཆས་ (Time Clock) བེད་སྤྱོད་བྱེད་ཀྱི་ཡོད་ཚེ། ཁྱེད་ཀྱིས་ལས་བཅར་ཞུས་པའི་ལས་དུས་ (shift) རེ་རེའི་ཆུ་ཚོད་ཐོ་འགོད་བྱ་རྒྱུ།

(4.b) གལ་ཏེ་ཁྱེད་ཀྱིས་ Workday བེད་སྤྱོད་བྱེད་ཀྱི་ཡོད་ཚེ།

• ཁྱེད་ཀྱིས་རང་ཉིད་ཀྱི་ལས་དུས་རེ་རེའི་ཆུ་ཚོད་ཐོ་འགོད་མི་བྱེད་ཚེ། བེད་སྤྱོད་བྱེད་པའི་དངོས་འབྲེལ་གནས་ཚུལ་དང་བསྟུན་ནས་ཕོགས་ཡོད་ངལ་གསོ་ཐོབ་སེང་ (paid time off) འབྲི་འཇུག་བྱ་རྒྱུ།
• གལ་ཏེ་ཁྱེད་ཀྱིས་ཟླ་བ་གཅིག་རིང་ཕོགས་ཡོད་ངལ་གསོ་ཐོབ་སེང་བེད་སྤྱོད་བྱེད་ཀྱི་མེད་ཚེ། རྗེས་ཐོགས་ཟླ་བའི་ཉིན་ ༥ པ་འགྱངས་མེད་ Workday ནང་དུ་ “དགོངས་པ་ཞུས་མེད་ (no leave taken)” ཞེས་པ་འགོད་འབུལ་བྱ་རྒྱུ།

ཇི་ལྟར།

ལམ་སྟོན་ལ་གཟིགས་རྒྱུ། ལས་བྱེད་ཀྱི་དུས་ཚོད་ Workday ནང་དུ་འབྲི་འཇུག་བྱ་རྒྱུ།

རོགས་རམ་དང་དྲ་ལམ་གནས་ཚུལ་ཐོན་ཁུངས།

ཁྱེད་ཀྱི་ལྟ་རྟོག་པའམ་ཡང་ན་ཁྱེད་ཀྱི་འབྲེལ་ཡོད་སྡེ་ཁག་ལས་བྱེད་བདག་གཉེར་ཡིག་ཚང་ལ་ཁ་པར་གཏོང་བའམ་གློག་འཕྲིན་བསྐུར་རྒྱུ།།

སུ།

གླ་ཕོགས་ཤོག་འཛར་ཐོབ་མཁན་ལས་བྱེད་ཡོངས། (ཕོགས་མེད་བསྐོ་བཞག་ལས་བྱེད་རྣམས་ཚུད་མེད)

ཅི་ཞིག

ཕོགས་སྤྲོད་ཟླ་ཐོ་ (ལོ་གྲངས་ལ་འདེམ་བྱང་གཡོན་པར་བལྟ་རྒྱུ) སྟེང་དུ་གཤམ་གསལ་འཁོད་ཡོད།

• ཕོགས་སྤྲོད་དུས་ཡུན།
• ཕོགས་སྤྲོད་དུས་ཚེས།
• གཅོག་ཆ (deductions) (ཁྱེད་ཀྱི་གླ་ཕོགས་ནང་ནས་ཝི་སི་ཀོན་སིན་གཙུག་ལག་སློབ་ཆེན་གྱི་ཁེ་ཕན་ཐོབ་ཐང་ཆེད་དུ་དངུལ་སྒོར་ཅི་ཙམ་དང་ ཐེངས་ཅི་ཙམ་ལ་གཅོག་འཐེན་བྱེད་ཀྱི་ཡོད་པ)

ཅིའི་ཕྱིར།

ཁྱེད་ལ་གླ་ཕོགས་ག་དུས་སྤྲོད་ཀྱི་ཡོད་པ་ཤེས་རྟོགས་བྱ་རྒྱུ།

ག་དུས།

• ཕོགས་སྤྲོད་དུས་ཡུན་ནི་གཟའ་འཁོར་ ༢ རེ་ཡིན།
• དུས་རྒྱུན་ཁྱེད་ལ་རེས་གཟའ་ཕུར་བུ་ལ་གླ་ཕོགས་སྤྲོད་ཀྱི་ཡོད། དུས་ཚེས་དེར་གཞུང་འབྲེལ་གུང་གསེང་ངམ་དངུལ་ཁང་སྒོ་བརྒྱབ་པར་བརྟེན་ནས་ འགྱུར་བ་ཐེབས་སྲིད།
• ཁྱེད་ཀྱིས་ཕོགས་སྤྲོད་དུས་ཡུན་གྱི་དུས་དཀྱིལ་ཞིག་ལ་ལས་མགོ་བརྩམས་ཚེ། ཁྱེད་ཀྱི་གླ་ཕོགས་དང་པོ་དེ་རྗེས་འབྱུང་གླ་ཕོགས་ལས་ཉུང་བ་ཡོད།

ཇི་ལྟར།

ཕོགས་སྤྲོད་ཟླ་ཐོ་དཔར་བཤུས་བརྒྱབ་ཏེ་ཁྱེད་ལ་གླ་ཕོགས་ག་དུས་སྤྲོད་པ་འཚོལ་འདེད་བྱ་རྒྱུ། ཁྱེད་ཀྱིས་སྣེ་ལེན་ཁང་ Welcome Center ནས་ དཔར་བཤུས་བྱེད་ཆོག

རོགས་རམ་དང་དྲ་ལམ་གནས་ཚུལ་ཐོན་ཁུངས།

ཁྱེད་ཀྱི་ལྟ་རྟོག་པའམ་ཡང་ན་ཁྱེད་ཀྱི་འབྲེལ་ཡོད་སྡེ་ཁག་ལས་བྱེད་བདག་གཉེར་ཡིག་ཚང་ལ་ཁ་པར་གཏོང་བའམ་གློག་འཕྲིན་བསྐུར་རྒྱུ།

སུ།

དགོངས་ཞུ་ཐོབ་སེང་རག་མཁན་ལས་བྱེད་ཡོངས (ལོ་འཁོར་གུང་གསེང་ཐོབ་སེང་དང་། ནད་དགོངས། ཁྲིམས་མཐུན་གཞུང་འབྲེལ་གུང་གསེང་། སྒེར་དགོངས། ལས་ཆད་ཐོབ་སེང་ leaves of absence གཞན་པ་བཅས)

ཁྱེད་ལ་དགོངས་ཞུ་ཐོབ་སེང་རག་གི་ཡོད་མེད་ལ་བལྟ་ཆེད་ LinkUW ཡིས་ཁྱེད་ལ་བསྐུར་བའི་དགའ་བསུའི་གློག་འཕྲིན་ཀློག་རྒྱུ།

ག་རེ།

ཁྱེད་ཀྱི་ཕོགས་ཡོད་ངལ་གསོ་ཐོབ་སེང་དང་ལས་ཆད་ཐོབ་སེང་ཐོ་འགོད་བྱ་རྒྱུ།

ཁྱེད་ལ་འོས་ཆོས་ཚང་སྲིད་པའི་ཕོགས་ཡོད་དགོངས་ཞུ་ཐོབ་སེང་རིགས།

• ནད་དགོངས།
• ཁྲིམས་མཐུན་གཞུང་འབྲེལ་གུང་གསེང་།
• ལོ་འཁོར་གུང་གསེང་ཐོབ་སེང་།
• སྒེར་དགོངས།

ཁྱེད་ཀྱིས་ཕ་མའི་ཕྲུ་གུ་གསོ་སྐྱོང་ཐོབ་སེང་ parental leave དང་། བཤེར་དཔང་འགན་འཁྲི (jury duty) ། དབང་རྟེན་ཞལ་འདེབས་ཆེད་དུ་ ཕོགས་ཡོད་ལས་ཆད་ཐོབ་སེང་ (paid leaves of absence) ཞུ་ལེན་ཆ་རྐྱེན་ཚང་སྲིད།

ཅིའི་ཕྱིར།

ཝི་སི་ཀོན་སིན་གཙུག་ལག་སློབ་ཆེན་གྱིས་ལས་བྱེད་ཚོ་ལ་ལས་ཀ་དང་མི་སྒེར་འཚོ་བར་བཏང་སྙོམས་ཡོང་བར་རོགས་རམ་བྱེད་འདོད་ཡོད། ཁྱེད་ཀྱིས་མཚམས་རེར་ངལ་གསོ་ཐོབ་སེང་ཞུ་བའམ་ལས་ཆད་ཐོབ་སེང་ཞུ་དགོས་པ་ང་ཚོས་ཤེས།

ག་དུས།

ཁྱེད་ཀྱིས་ཕོགས་ཡོད་ངལ་གསོ་ཐོབ་སེང་བེད་སྤྱོད་བྱེད་སྐབས། ལམ་སེང་ཐོ་འགོད་བྱ་རྒྱུ། དེ་ལྟར་ཁྱེད་ལ་གླ་ཕོགས་ཏག་ཏག་སྤྲོད་ཐུབ། LinkUW ཡིས་ ཁྱེད་ལ་ལམ་སྟོན་བྱེད་ངེས།

ཇི་ལྟར།

ཁྱེད་རང་LinkUW ཡི་ཕོགས་སྤྲོད་དང་ཁེ་ཕན་ཐོབ་ཐང་ལས་སྣེར་ཐུག་སྐབས་ཁྱེད་ལ་ཡོད་པའི་ཕོགས་ཡོད་དགོངས་ཞུ་ཐོབ་སེང་རིགས་མི་འདྲ་བའི་སྐོར་ རྒྱུས་ལོན་བྱ་རྒྱུ།

རོགས་རམ་དང་དྲ་ལམ་གནས་ཚུལ་ཐོན་ཁུངས།

སུ།

ལས་བྱེད་ཡིད་ཆེས་དགེ་རྩ་ལས་ཁུངས་ [Employee Trust Funds (ETF)] བརྒྱུད་ནས་ཁེ་ཕན་ཐོབ་ཐང་གི་འོས་ཆོས་ཚང་མཁན་ལས་བྱེད་ཡོངས།

ཁྱེད་ཀྱིས་ཝི་སི་ཀོན་སིན་གཙུག་ལག་སློབ་ཆེན་ནས་ལས་མཚམས་བཞག་པའམ་རྒན་ཡོལ་ཞུས་རྗེས་ཀྱང་ My Benefits ངའི་ཁེ་ཕན་ཐོབ་ཐང་སྤྱོད་ཆོག

ག་རེ།

My Benefits ངའི་ཁེ་ཕན་ཐོབ་ཐང་ཟེར་བ་དྲ་ལམ་ཤོག་ངོས་ཤིག་ཡིན་ལ་དེར་ཁྱེད་ཀྱིས་གཤམ་གསལ་ཁག་ལ་བལྟ་ཐུབ།

• ལས་བྱེད་ཡིད་ཆེས་དགེ་རྩ་ལས་ཁུངས་ (ETF) བརྒྱུད་ནས་ཁྱེད་ཀྱི་ལས་བྱེད་ཁེ་ཕན་ཐོབ་ཐང་ཁོངས་སུ་འཛུལ་ཞུགས་དང་། ལྟ་ཞིབ། འགྱུར་བ་གཏོང་རྒྱུ།
• ཕྱི་ལོ་ ༢༠༡༢ ནས་ད་ལྟའི་བར་གྱི་ཁྱེད་ཀྱི་ཁེ་ཕན་ཐོབ་ཐང་འགྲེལ་བརྗོད་ (Statements of Benefits) ལ་ལྟ་ཞིབ་བྱ་རྒྱུ།
• དབང་པོ་སྐྱོན་ཅན་རྒས་ཡོལ་ཐོབ་ཐང་གི་རྩིས་འབབ་ཚོད་དཔག་དགོས་སྐོར་རེ་སྐུལ་ཞུ་རྒྱུ།

ཅིའི་ཕྱིར།

ཁྱེད་ཀྱིས་བདེ་འཇགས་ངང་གཤམ་གསལ་ཁག་བྱེད་ཆོག

• ཁྱེད་ཀྱི་ཁེ་ཕན་ཐོབ་ཐང་ལ་བལྟ་རྒྱུ།
• ཁྱེད་ཀྱིས་ཁེ་ཕན་ཐོབ་ཐང་ཆེད་དུ་དངུལ་འབབ་ཅི་ཙམ་སྤྲོད་ཀྱི་ཡོད་པར་བལྟ་རྒྱུ།
• ཁེ་ཕན་ཐོབ་ཐང་ཁོངས་སུ་འཛུལ་ཞུགས་བྱ་རྒྱུ།
• ཁྱེད་ལ་འོས་ཆོས་ཚང་བའི་མི་ཚེའི་དོན་རྐྱེན་བྱུང་ཡོད་ཚེ་ཁེ་ཕན་ཐོབ་ཐང་ལ་འགྱུར་བ་གཏོང་རྒྱུ།
• ཁྱེད་ཀྱི་རྗེས་འབྲང་ནང་མིའི་གནས་ཚུལ་ལ་བལྟ་རྒྱུ་དང་གསར་བཅོས་བྱ་རྒྱུ།
• དགོས་འདུན་བླང་བྱ་བཏོན་པའི་ཡིག་ཆ་འབུལ་སྤྲོད་བྱ་རྒྱུ།
• ཝི་སི་ཀོན་སིན་རྒས་ཡོལ་སྒྲིག་འཛུགས་ (WRS) ཀྱི་དེ་སྔའི་ཁེ་ཕན་འགྲེལ་བརྗོད་ལ་བསྐྱར་ཞིབ་བྱ་རྒྱུ།

ག་དུས།

ཁྱེད་ཀྱི་ལས་ཡུན་གྱི་དུས་ཐོག་མཐའ་བར་གསུམ་དུ་ My Benefits ངའི་ཁེ་ཕན་ཐོབ་ཐང་གི་ཁ་ཕྱེས་ཏེ་ཁེ་ཕན་ཐོབ་ཐང་ལ་ བསྐྱར་ཞིབ་དང་། མིང་འགོད་འཛུལ་ཞུགས། འགྱུར་བ་གཏོང་ཆོག

ཁྱེད་རང་རྒན་ཡོལ་ལ་ཕྱིན་རྗེས་ཀྱང་ཐོ་ཁོངས་འདི་མུ་མཐུད་དུ་ཁེ་འབྱེད་ཆོག

ཇི་ལྟར།

གསལ་བཤད། MyUW ནང་གི་ My Benefits ངའི་ཁེ་ཕན་ཐོབ་ཐང་ཞེས་པར་ནོན་རྡེག་གིས་ My Benefits ངའི་ཁེ་ཕན་ཐོབ་ཐང་ཞེས་པའི་ ནང་དུ་འགྲོ་རྒྱུ།

གལ་ཏེ་འདི་ནི་ཁྱེད་ཀྱིས་ཐེངས་དང་པོར་ My Benefits ངའི་ཁེ་ཕན་ཐོབ་ཐང་ཞེས་པ་ཁ་འབྱེད་པ་ཐེངས་དང་པོ་ཡིན་ཚེ། My Benefits ནང་དུ་ཐོ་ཁོངས་ (account) ཞིག་གསར་བཟོ་བྱེད་དགོས།

ཁྱེད་ཀྱི་ My Benefits ངའི་ཁེ་ཕན་ཐོབ་ཐང་གི་ཐོ་ཁོངས་བཟོ་དགོས་ཚེ། གཤམ་གསལ་རྣམས་ངེས་པར་དུ་དགོས་ཀྱི་ཡོད།

• སྤྱི་ཚོགས་བདེ་འཇགས་ཨང་གྲངས [Social Security number (SSN)]
  • གལ་ཏེ་ཁྱེད་ལ་སྤྱི་ཚོགས་བདེ་འཇགས་ཨང་གྲངས་མེད་ཚེ། སྤྱི་ཚོགས་བདེ་འཇགས་ཨང་གྲངས་ས་ཆར་ཁྱེད་ཀྱི་མི་སྒེར་ཁྲལ་འབུལ་ ངོ་རྟགས་ཨང་གྲངས་ [Individual Taxpayer Identification Number (ITIN)] འགོད་འཇུག་བྱ་རྒྱུ།
  • སྤྱི་ཚོགས་བདེ་འཇགས་ཨང་གྲངས་སམ་མི་སྒེར་ཁྲལ་འབུལ་ངོ་རྟགས་ཨང་གྲངས་ (ITIN) མེད་ཚེ། སྤྱི་ཚོགས་བདེ་འཇགས་ ཨང་གྲངས་ས་ཆར་ཝི་སི་ཀོན་སིན་གཙུག་ལག་སློབ་ཆེན་གྱིས་སྤྲད་པའི་སྙན་འབུལ་ངོ་རྟགས་ལག་འཁྱེར་ (Reporting ID) འགོད་འཇུག་བྱ་རྒྱུ།
• མི་སྒེར་གློག་འཕྲིན་ཁ་བྱང་ (ལས་ཀའི་གློག་འཕྲིན་ཁ་བྱང་མིན་པ་ཞིག)

 My Benefits སྐོར་ལ་ཤེས་རྟོགས་མང་དུ་བྱ་རྒྱུ།

རོགས་རམ་དང་དྲ་ལམ་གནས་ཚུལ་ཐོན་ཁུངས།

གཤམ་གསལ་རོགས་རམ་ཆེད་དུ།

• ཁྱེད་ཀྱི་ My Benefits account ངའི་ཁེ་ཕན་ཐོབ་ཐང་ཐོ་ཁོངས་བཟོ་དགོས་ཚེ། Wisconsin ID FAQ རྒྱུན་འདྲིའི་དྲི་བ་ཀློག་རྒྱུའམ་ ༦༠༨ ༤༧༡ ༦༦༦༧ ལ་ཁ་པར་གཏོང་རྒྱུ།
• ཁྱེད་ཀྱི་ཁེ་ཕན་ཐོབ་ཐང་སྐོར་རྒྱུས་ལོན་བྱེད་པའམ་ My Benefits ངའི་ཁེ་ཕན་ཐོབ་ཐང་བེད་སྤྱོད་ཀྱིས་ཁྱེད་ཀྱི་ཁེ་ཕན་ཐོབ་ཐང་ཁོངས་སུ་ མིང་འགོད་འཛུལ་ཞུགས་བྱེད་པའམ་འགྱུར་བ་གཏོང་རྒྱུར། LinkUW ལ་ help.linkuw@wisc.eduཐོག་འབྲེལ་བ་བྱ་རྒྱུ།

སུ།

གལ་ཏེ་ཁྱེད་རང་གཤམ་གསལ་གང་རུང་ཞིག་ཡིན་ཚེ་ཝི་སི་ཀོན་སིན་རྒས་ཡོལ་སྒྲིག་འཛུགས་ [Wisconsin Retirement System (WRS)] ནས་ཁེ་ཕན་ཐོབ་ཐང་ལ་འོས་ཆོས་ཚང་སྲིད།

• གཙུག་ལག་སློབ་ཆེན་ལས་བྱེད་ཚན་པ (University Staff)
• དགེ་རྒན།
• རིག་གནས་ལས་བྱེད་ཚན་པ (Academic Staff)
• དུས་བཀག་བསྐོ་བཞག་ལས་བྱེད (Limited Appointee)

ཁྱེད་ལ་ཝི་སི་ཀོན་སིན་རྒས་ཡོལ་སྒྲིག་འཛུགས་ (WRS) ཀྱི་ཁེ་ཕན་ཐོབ་ཐང་ལ་འོས་ཆོས་ཚང་མིན་བལྟ་ཆེད་ LinkUW ཡིས་བསྐུར་བའི་ དགའ་བསུའི་གློག་འཕྲིན་ཀློག་རྒྱུ།

ག་རེ།

ཝི་སི་ཀོན་སིན་རྒས་ཡོལ་སྒྲིག་འཛུགས་ [Wisconsin Retirement System (WRS)] ཀྱིས་ཝི་སི་ཀོན་སིན་གཙུག་ལག་      སློབ་ཆེན་གྱི་ལས་བྱེད་དང་ཝི་སི་ཀོན་སིན་མངའ་སྡེའི་སྲིད་གཞུང་ལས་བྱེད་ཡོངས་ལ་རྒས་ཡོལ་ཐོབ་ཐང་སྤྲོད་ཀྱི་ཡོད།

ཝི་སི་ཀོན་སིན་རྒས་ཡོལ་སྒྲིག་འཛུགས་WRS ཀྱིས་སྤྲོད་པའི་ལས་བྱེད་ཀྱི་ཁེ་ཕན་ཐོབ་ཐང་གཟིགས་རྒྱུ།

ཅིའི་ཕྱིར།

ཁྱེད་ལ་འོས་ཆོས་ཚང་ཚེ། གཤམ་འཁོད་ཁེ་ཕན་ཐོབ་ཐང་ལྟ་བུ་ནང་དུ་འཛུལ་ཞུགས་བྱེད་ཆོག

• སྨན་བཅོས། སོ་བཅོས། མིག་བཅོས། གསོལ་སྨན།
• ཁྲལ་བསྡུ་སྔོན་གྱི་གསོག་དངུལ་བཅུག་ཁྲ (Pre-Tax Savings Accounts)
• དབང་པོ་སྐྱོན་ཅན་ཁེ་ཕན་ཐོབ་ཐང་།
• ཚེ་སྲོག་ཉེན་སྲུང་འགན་ལེན།
• རྐྱེན་ངན་ཉེན་སྲུང་འགན་ལེན(Accident Insurance)
• ཡོང་འབབ་རྒྱུན་མཐུད་ཉེན་སྲུང་འགན་ལེན (Income Continuation Insurance)
• Deferred Compensation
• ཁ་གསབ་རྒས་ཡོལ་ལས་རིམ (Supplemental Retirement Program)
• ཝི་སི་ཀོན་སིན་རྒས་ཡོལ་སྒྲིག་འཛུགས་ (WRS) ཀྱི་ཁེ་ཕན་ཐོབ་ཐང་།

ཁྱེད་ལ་ཝི་སི་ཀོན་སིན་རྒས་ཡོལ་སྒྲིག་འཛུགས་ (WRS) ཀྱི་ཁེ་ཕན་ཐོབ་ཐང་ལ་འོས་ཆོས་ཚང་མིན་བལྟ་ཆེད་ཁྱེད་ལ་བསྐུར་བའི་ བསྐོ་བཞག་ཡི་གེ་ཀློག་རྒྱུ། དྲི་བ་ཡོད་ཚེ། help.linkuw@wisc.edu ལ་གློག་འཕྲིན་བསྐུར་རྒྱུ།

ག་དུས།

ཁྱེད་རང་ལ་ཁེ་ཕན་ཐོབ་ཐང་གི་འོས་ཆོས་ཚང་བ་དང་ཉིན་ ༣༠ ནང་ཚུན་ཁེ་ཕན་ཐོབ་ཐང་ཁོངས་སུ་འཛུལ་ཞུགས་བྱ་རྒྱུ།

• ཁྱེད་ཀྱིས་ལས་འཁུར་ཞུས་པའི་ཐོག་མའི་ཉིན་གྲངས་ ༣༠ ནང་ཚུན་ཁེ་ཕན་ཐོབ་ཐང་ཁོངས་སུ་འཛུལ་ཞུགས་བྱེད་པར་སོ་སོའི་ཟླ་ཐོ་སྟེང་དུ་ དྲན་སྐུལ་བརྡ་གཏོང་སྣོན་འཇོག་བྱ་རྒྱུ།
• ཁྱེད་ཀྱིས་འོས་ཆོས་ཚང་བའི་དོན་རྐྱེན་ (Qualifying Event) བྱུང་ན་འམ་ཡང་ན་ལོ་རེའི་ཕྱི་ཟླ་བཅུ་བའི་མིང་འགོད་འཛུལ་ཞུགས་ (Open Enrollment) སྐབས་སུ་མ་གཏོགས་ཉིན་གྲངས་ ༣༠ རྗེས་སུ་ཁེ་ཕན་ཐོབ་ཐང་ཁོངས་སུ་འཛུལ་ཞུགས་བྱེད་མི་ཆོག

ཇི་ལྟར།

ངའི་ཉེན་སྲུང་འགན་ལེན་ཁེ་ཕན་ཐོབ་ཐང་ (My Insurance Benefits) ནང་དུ་ཁྱེད་ཀྱི་ཁེ་ཕན་ཐོབ་ཐང་འདེམས་སྒྲུག་དང་། བསྐྱར་ཞིབ། འགྱུར་བ་གཏོང་རྒྱུ།

གསལ་བཤད། གལ་ཏེ་འདི་ནི་ཁྱེད་ཀྱིས་ཐེངས་དང་པོར་ངའི་ཉེན་སྲུང་འགན་ལེན་ཁེ་ཕན་ཐོབ་ཐང་ (My Insurance Benefits) གི་ཁ་འབྱེད་པ་ཐེངས་དང་པོ་ཡིན་ཚེ། ཁྱེད་ཀྱིས་ངེས་པར་དུ་ My Benefits ནང་དུ་ཐོ་ཁོངས་ (account) ཞིག་གསར་བཟོ་བྱེད་དགོས།

རོགས་རམ་དང་དྲ་ལམ་གནས་ཚུལ་ཐོན་ཁུངས།

Link UW ལ་འབྲེལ་བ་བྱ་རྒྱུ། help.linkuw@wisc.edu

སུ།

ཝི་སི་ཀོན་སིན་རྒས་ཡོལ་སྒྲིག་འཛུགས་ (WRS) ཀྱི་ཐོབ་ཐང་ལ་འོས་ཆོས་མི་ཚང་བའི་ལས་བྱེད་རྣམ་པ།

• ཞིབ་འཇུག་སློབ་མ (Graduate Assistants)
• ལས་བྱེད་ཟབ་སྦྱོང་ལ་ཞུགས་བཞིན་པའི་ལས་བྱེད (འབུམ་རམས་པ་ཕྱི་མ་ postdocsཡང་ཚུད)
• ཞིབ་འཇུག་པ་ Fellows དང་ཤེས་ཡོན་ཅན།
• དུས་ཐུང་བསྐོ་བཞག་རིག་གནས་ལས་བྱེད་ཚན་པའི་ལས་བྱེད།

ཁྱེད་ལ་ཝི་སི་ཀོན་སིན་རྒས་ཡོལ་སྒྲིག་འཛུགས་ (WRS) ཀྱི་ཁེ་ཕན་ཐོབ་ཐང་ལ་འོས་ཆོས་ཚང་མིན་བལྟ་ཆེད་ LinkUW ཡིས་ བསྐུར་བའི་དགའ་བསུའི་གློག་འཕྲིན་ལ་བལྟ་རྒྱུ།

ག་རེ།

ཝི་སི་ཀོན་སིན་རྒས་ཡོལ་སྒྲིག་འཛུགས་ (WRS) ཀྱི་ཁེ་ཕན་ཐོབ་ཐང་ལ་འོས་ཆོས་མི་ཚང་བའི་ལས་བྱེད་ཚོའི་ཁེ་ཕན་ཐོབ་ཐང་།

ཝི་སི་ཀོན་སིན་རྒས་ཡོལ་སྒྲིག་འཛུགས་ WRS ཀྱིས་སྤྲོད་ཀྱི་མེད་པའི་ལས་བྱེད་ཚོའི་ཁེ་ཕན་ཐོབ་ཐང་ལ་གཟིགས་རྒྱུ།

ཅིའི་ཕྱིར།

ཁྱེད་ལ་ཝི་སི་ཀོན་སིན་རྒས་ཡོལ་སྒྲིག་འཛུགས་ (WRS) ཀྱི་འོས་ཆོས་ཚང་ཚེ། གཤམ་འཁོད་ཁེ་ཕན་ཐོབ་ཐང་ལྟ་བུ་ནང་དུ་འཛུལ་ཞུགས་བྱེད་ཆོག

• སྨན་བཅོས། སོ་བཅོས། མིག་བཅོས། གསོལ་སྨན།
• ཁྲལ་བསྡུ་སྔོན་གྱི་གསོག་དངུལ་བཅུག་ཁྲ (Pre-Tax Savings Accounts)
• དབང་པོ་སྐྱོན་ཅན་ཁེ་ཕན་ཐོབ་ཐང་།
• རྐྱེན་ངན་ཉེན་སྲུང་འགན་ལེན(Accident Insurance)
• ཚེ་སྲོག་ཉེན་སྲུང་འགན་ལེན།
• Deferred Compensation
• ཁ་གསབ་རྒས་ཡོལ་ལས་རིམ (Supplemental Retirement Program)

ག་དུས།

ཁྱེད་རང་ལ་ཁེ་ཕན་ཐོབ་ཐང་གི་འོས་ཆོས་ཚང་བ་དང་ཉིན་ ༣༠ ནང་ཚུན་ཁེ་ཕན་ཐོབ་ཐང་ཁོངས་སུ་འཛུལ་ཞུགས་བྱ་རྒྱུ།

• ཁྱེད་ཀྱིས་ལས་འཁུར་ཞུས་པའི་ཐོག་མའི་ཉིན་གྲངས་ ༣༠ ནང་ཚུན་ཁེ་ཕན་ཐོབ་ཐང་ཁོངས་སུ་འཛུལ་ཞུགས་བྱེད་པར་སོ་སོའི་ཟླ་ཐོ་སྟེང་དུ་ དྲན་སྐུལ་བརྡ་གཏོང་སྣོན་འཇོག་བྱ་རྒྱུ།
• ཁྱེད་ཀྱིས་ཉིན་གྲངས་ ༣༠ རྗེས་སུ་ཁེ་ཕན་ཐོབ་ཐང་ཁོངས་སུ་འཛུལ་ཞུགས་བྱེད་མི་ཆོག དམིགས་བསལ་ཅི་ཡང་མེད།

ཇི་ལྟར།

གསལ་བཤད། གལ་ཏེ་འདི་ནི་ཁྱེད་ཀྱིས་ཐེངས་དང་པོར་ངའི་ཉེན་སྲུང་འགན་ལེན་ཁེ་ཕན་ཐོབ་ཐང་ (My Insurance Benefits)

གི་ཁ་འབྱེད་པ་ཐེངས་དང་པོ་ཡིན་ཚེ། ཁྱེད་ཀྱིས་ངེས་པར་དུ་ My Benefits ནང་དུ་ཐོ་ཁོངས་ (account) ཞིག་གསར་བཟོ་བྱེད་དགོས།

རོགས་རམ་དང་དྲ་ལམ་གནས་ཚུལ་ཐོན་ཁུངས།

Link UW ལ་འབྲེལ་བ་བྱ་རྒྱུ། help.linkuw@wisc.edu

སུ།

ལས་སུ་རུང་བའི་དྲ་མིང་ངོ་རྟགས་ NetID ཀྱིས་ MyUW ཡི་ཁ་འབྱེད་ཐུབ་པའི་མི་གང་རུང་།

ག་རེ།

MyUW ནི་ཝི་སི་ཀོན་སིན་གཙུག་ལག་སློབ་ཆེན་གྱི་གནས་ཚུལ་ཐོན་ཁུངས་དང་འབྲེལ་བའི་ཁྱེད་ཀྱི་དྲ་སྒོ་རེད།

ག་དུས།

དུས་གང་རུང་།

ཇི་ལྟར།

གཤམ་གསལ་ཁག་ལ་བལྟ་ཆེད་ MyUW ཡི་ཁ་འབྱེད་རྒྱུ།

• Workday (ཆུ་ཚོད་ཐོ་འགོད་དང་། དགོངས་པ་ཞུ་བ། ཕོགས་ཐོབ་ཤོག་ལྷེར་བལྟ་བ་སོགས)
• My Benefits (མིང་འགོད་འཛུལ་ཞུགས་དང་། འགྱུར་བཅོས། ཁྱེད་ཀྱི་ཁེ་ཕན་ཐོབ་ཐང་ལ་བལྟ་བ)
• ཝི་སི་ཀོན་སིན་གཙུག་ལག་སློབ་ཆེན་གྱི་གློག་འཕྲིན་དང་། Box། Google ། Zoom ཡི་ཐོ་ཁོངས།
• ཆེད་ལས་ཡར་རྒྱས་ཀྱི་ཆེད་དུ་ LinkedIn སློབ་གཉེར།
• ཝི་སི་ཀོན་སིན་གཙུག་ལག་སློབ་ཆེན་གྱི་ལས་བྱེད་ཆེད་དུ་ཐོ་ཁོངས་(accounts) གཞན་པ།

རོགས་རམ་དང་དྲ་ལམ་གནས་ཚུལ་ཐོན་ཁུངས།

ཁྱེད་ཀྱི་ལྟ་རྟོག་པའམ་ཡང་ན་ཁྱེད་ཀྱི་འབྲེལ་ཡོད་སྡེ་ཁག་ལས་བྱེད་བདག་གཉེར་ཡིག་ཚང་ལ་ཁ་པར་གཏོང་བའམ་གློག་འཕྲིན་བསྐུར་རྒྱུ།

སུ།

ལས་བྱེད་ཡོངས།

ག་རེ།

• ཝི་སི་ཀོན་སིན་གཙུག་ལག་སློབ་ཆེན་དུ་ཆགས་སྲེད་བརྙས་བཅོས་དང་ཆགས་སྲེད་དྲག་སྤྱོད་སྔོན་འགོག་འདི་བཞིན་གླ་ཕོགས་ཤོག་འཛར་ཐོབ་མཁན་ ལས་བྱེད་ཀུན་གྱིས་ལེན་དགོས་ཀྱི་ཡོད(དངུལ་འབབ་མེད་པའི་བསྐོ་བཞག་ཅན་དང་ཆུ་ཚོད་ལྟར་གྱི་སློབ་ཕྲུག་ཚུད་མེད)
  • ཁྱེད་རང་གཙུག་ལག་སློབ་ཆེན་གྱིས་གླ་ཐོབ་ཞིབ་འཇུག་སློབ་མའམ་ཆེད་ལས་སློབ་ཕྲུག་ཅིག་ཡིན་ཚེ། ཟབ་སྦྱོང་འདི་ལེན་མི་དགོས།
  • དེའི་ཚབ་ཏུ། ཞིབ་འཇུག་སློབ་མ་དང་ཆེད་ལས་སློབ་ཕྲུག་ཟབ་སྦྱོང་ལེན་དགོས་ཀྱི་ཡོད།
  • ཟབ་སྦྱོང་སྐོར་གྱི་གནས་ཚུལ་རྒྱས་པ་འདི་ནས་གཟིགས་རྒྱུ།
• དྲ་ལམ་བདེ་འཇགས་ཟབ་སྦྱོང་འདི་བཞིན་ཝི་སི་ཀོན་སིན་གཙུག་ལག་སློབ་ཆེན་བརྡ་འཕྲིན་ཚན་རྩལ་ཐོན་ཁུངས་སྤྱོད་མཁན་ལས་བྱེད་ཀུན་གྱིས་ལེན་ དགོས་ཀྱི་ཡོད།
• ཁྱེད་ཀྱིས་རང་གི་ལས་གནས་ལ་བརྟེན་ནས་ཟབ་སྦྱོང་གཞན་པ་ལེན་དགོས་པ་ཆགས་སྲིད།

ཅིའི་ཕྱིར།

གལ་ཏེ་ཁྱེད་ཀྱིས་ངེས་པར་དུ་ལེན་དགོས་པའི་ཟབ་སྦྱོང་མ་ལེན་ཚེ། གླ་ཕོགས་སྤར་ཆ་ལེན་པའི་ཆ་རྐྱེན་ཚང་མི་སྲིད་ལ་ལས་གནས་ནས་ཕྱིར་འབུད་གཏོང་སྲིད།

ག་དུས།

ཟབ་སྦྱོང་རེ་རེར་དུས་བཀག་རྒྱས་བཅད་རེ་ཡོད། ཟབ་སྦྱོང་ཁ་ཤས་ཁྱེད་ཀྱིས་ལས་ཀ་མགོ་བརྩམས་ཐོག་མའི་ཉིན་ ༣༠ ནང་ཚུད་ངེས་པར་དུ་ལེན་དགོས་ཀྱི་ཡོད།

• ཁྱེད་ཀྱི་ཐོག་མའི་ཉིན་ ༣༠ ནང་ཚུད་ཝི་སི་ཀོན་སིན་གཙུག་ལག་སློབ་ཆེན་དུ་ཆགས་སྲེད་བརྙས་བཅོས་དང་ཆགས་སྲེད་དྲག་སྤྱོད་སྔོན་འགོག་འདི་ བཞིན་ཁྱེད་ཀྱི་ཐོག་མའི་ཉིན་ ༣༠ ནང་ཚུད་དང་དེ་ནས་ལོ་ ༤ རེའི་མཚམས་ལེན་རྒྱུ།
• དྲ་ལམ་བདེ་འཇགས་ཟབ་སྦྱོང་འདི་བཞིན་ལོ་རེར་ལེན་རྒྱུ།

ཇི་ལྟར།

ཟབ་སྦྱོང་མང་པོ་ཞིག་དྲ་ལམ་དུ་ཡོད་པ་དང་རང་གི་མགྱོགས་ཚད་ལྟར་ཡོད། ཁྱེད་ཀྱིས་ངེས་པར་དུ་ལེན་དགོས་པའི་ཟབ་སྦྱོང་སློབ་ཚན་སྐོར་ Workday ཡི་དྲ་ངོས་གཙོ་བོ་ནས་བལྟ་ཐུབ། ཤོག་ངོས་སམ་ཡིག་བསྒྱུར་བྱས་པའི་ཟབ་སྦྱོང་གི་གདམ་ཀའི་སྐོར་ཁྱེད་ཀྱི་ལས་བྱེད་བདག་གཉེར་ཡིག་ཚང་ལ་འདྲི་རྒྱུ།

• ཝི་སི་ཀོན་སིན་གཙུག་ལག་སློབ་ཆེན་དུ་ཆགས་སྲེད་བརྙས་བཅོས་དང་ཆགས་སྲེད་དྲག་སྤྱོད་སྔོན་འགོག
• དྲ་ལམ་བདེ་འཇགས་ཟབ་སྦྱོང་།

རོགས་རམ་དང་དྲ་ལམ་གནས་ཚུལ་ཐོན་ཁུངས།

ཁྱེད་ཀྱི་ལས་བྱེད་བདག་གཉེར་ཡིག་ཚང་ལ་ཁ་པར་གཏོང་བའམ་གློག་འཕྲིན་བསྐུར་རྒྱུ།

སུ།

ལས་བྱེད་ཡོངས།

ག་རེ།

ལས་བྱེད་ཚོར་བདེ་འཇགས་གནས་ཚུལ།

ཁོར་ཡུག་འཕྲོད་བསྟེན་དང་བདེ་འཇགས་ལས་ཁུངས་ [Environmental Health and Safety (EHS)] ནས་ལུས་ཤུགས་བཀོལ་སྤྱོད་ ལམ་སྟོན (Ergonomics Guidance)

• ལུས་ཤུགས་བཀོལ་སྤྱོད།
  • འཕྲུལ་ཆས། ཁོར་ཡུག འགུལ་སྐྱོད་དགོས་མཁོ། ལས་བྱེད་ཀྱི་ལུས་ཀྱི་སྟངས་སྟབས་བཅས་ཁྱེད་ཀྱིས་ལུས་པོ་ལ་བརྟེན་ནས་ ལས་ཀ་བྱེད་སྟངས་ལ་དམིགས་པ་གཏོད་རྒྱུ།
  • ལས་ཀར་བདེ་པོ་ཡོང་ཐབས་ཇེ་ལེགས་གཏོང་བ་དང་། ངལ་དུབ་ཇེ་ཉུང་གཏོང་བ། རྨས་སྐྱོན་སྔོན་འགོག་གནང་རྒྱུ།
• ཁོར་ཡུག་འཕྲོད་བསྟེན་དང་བདེ་འཇགས་ལས་ཁུངས་ EHS ཀྱིས་ལས་བྱེད་རྣམས་ལ་བདེ་འཇགས་དང་བདེ་པོ་ཅན་གྱི་ལས་ཀ་བྱ་ཡུལ་ བཀོད་སྒྲིག་བྱེད་པར་རོགས་རམ་བྱེད།

ཝི་སི་ཀོན་སིན་གཙུག་ལག་སློབ་ཆེན་ཉེན་རྟོག་ལས་ཁུངས་[UW Police Department (UWPD)] ཀྱི་སློབ་ཆེན་བདེ་འཇགས་གནས་ཚུལ།

• སློབ་ཆེན་གྱི་ཛ་དྲག་དོན་རྐྱེན་སྐོར་གྱི་འཕྲིན་ཐུང་གསལ་བསྒྲགས་འབྱོར་ཆེད་ཝི་སི་ཀི་ཉེན་བརྡ་ WiscAlerts ལ་མིང་ཐོ་འགོད་རྒྱུ།
• ཁྱེད་ཀྱི་ལག་འཁྱེར་ཡོ་ཆས་ནང་དུ་ཛ་དྲག་དོན་རྐྱེན་ཉེན་བརྡ་དང་སློབ་ཆེན་བདེ་འཇགས་འཕྲིན་ཐུང་འབྱོར་ཆེད་རྦད་ཇེར་བདེ་འཇགས་               BadgerSafe བཀོལ་ཆས་བེད་སྤྱོད་གནང་རྒྱུ།
• ཝི་སི་ཀོན་སིན་གཙུག་ལག་སློབ་ཆེན་ཉེན་རྟོག་ལས་ཁུངས་ལས་བྱེད་སློབ་ཆེན་བདེ་འཇགས་ལམ་སྟོན་UWPD Employee Campus Safety Guide ནང་ནས་བདེ་འཇགས་ཡོང་ཐབས་མན་ངག་འཚོལ་རྒྱུ།

ཅིའི་ཕྱིར།

ཝི་སི་ཀོན་སིན་གཙུག་ལག་སློབ་ཆེན་གྱིས་ལས་ཀ་བྱ་ཡུལ་འཕྲོད་པོ་ཡོང་ཐབས་དང་ཛ་དྲག་གནས་སྟངས་ལ་ཡ་ལན་སྤྲོད་པར་འབད་བརྩོན་བྱེད་ཀྱི་ཡོད།

ག་དུས།

ང་ཚོས་ཁྱེད་ལ་གཤམ་གསལ་ཐོག་འབོད་སྐུལ་ཞུ་རྒྱུ་ཡིན།

• ཁྱེད་ཀྱི་ལས་ཞུགས་ཐོག་མའི་ཉིན་ ༣༠ ནང་ཚུད་རང་ངོས་ལུས་ཤུགས་བཀོལ་སྤྱོད་བརྟག་དཔྱད་གཙང་སྒྲུབ་བྱ་རྒྱུ།
• ཁྱེད་རང་སློབ་ཆེན་དུ་སླེབས་ནས་ཉིན་དང་པོའི་སྔོན་ལ་རྦད་ཇེར་བདེ་འཇགས་ BadgerSafe བཀོལ་ཆས་ཕབ་ལེན་གནང་རྒྱུ།

ཇི་ལྟར།

• དུས་གང་རུང་ལ་དྲ་ལམ་རང་ངོས་ལུས་ཤུགས་བཀོལ་སྤྱོད་བརྟག་དཔྱད་གནང་རྒྱུ།
• ལུས་ཤུགས་བཀོལ་སྤྱོད་ཞབས་ཞུ་རེ་སྐུལ་འགེང་ཤོག་འགེང་འབུལ་གནང་རྒྱུ།
  • ཁྱེད་ཀྱི་རེ་སྐུལ་ཆེད་དུ་ཁྱེད་ཀྱི་ལྟ་རྟོག་པའམ་སྡེ་ཁག་དབང་པོ་སྐྱོན་ཅན་ལས་དོན་ངོ་ཚབ་ (DDR) ལ་སྐད་ཆ་བཤད་རྒྱུ།
  • དམིགས་བསལ་མཐུན་རྐྱེན་སྦྱོར་ཆེད་ཁྱེད་ཀྱི་དབང་པོ་སྐྱོན་ཅན་ལས་དོན་ངོ་ཚབ་ DDR ལ་འབྲེལ་བ་གནང་རྒྱུ།
• དུས་གང་རུང་ལ་རྦད་ཇེར་བདེ་འཇགས་ལག་འཁྱེར་བཀོལ་ཆས་ BadgerSafe Mobile App ཕབ་ལེན་གནང་རྒྱུ།

རོགས་རམ་དང་དྲ་ལམ་གནས་ཚུལ་ཐོན་ཁུངས།

ཁ་པར་གཏོང་བའམ་གློག་འཕྲིན་བསྐུར་རྒྱུ།

• ཁོར་ཡིག་འཕྲོད་བསྟེན་དང་བདེ་འཇགས་ལས་ཁུངས་ EHS ལུས་ཤུགས་བཀོལ་སྤྱོད། ༦༠༨ ༢༦༥ ༥༠༠༠ ལ་ ཁ་པར་གཏོང་བའམ་ ehs@wisc.edu ལ་གློག་འཕྲིན་བསྐུར་རྒྱུ།
• ཝི་སི་ཀོན་སིན་གཙུག་ལག་སློབ་ཆེན་ཉེན་རྟོག་ལས་ཁུངས་རྦད་ཇེར་བདེ་འཇགས UWPD BadgerSafe། ༦༠༨ ༢༦༤ ༢༦༧༧ ལ་ ཁ་པར་གཏོང་བའམ་ uwpd@wisc.eduལ་གློག་འཕྲིན་བསྐུར་རྒྱུ།
• ཝི་སི་ཀི་ཉེན་བརྡ་ WiscAlerts ། ༦༠༨ ༢༦༤ ༢༦༧༧ ལ་ཁ་པར་གཏོང་བའམ་ uwpd@wisc.eduལ་གློག་འཕྲིན་བསྐུར་རྒྱུ།

སུ།

སློབ་ཆེན་དུ་ཡོང་མིའམ་ཝི་སི་ཀོན་སིན་གཙུག་ལག་སློབ་ཆེན་ནམ་ཡང་མལ་ཌི་སིན་གྱི་སྲང་ལམ་དུ་སྣུམ་འཁོར་བཀག་འཇོག་བྱེད་མི་ཚང་མ།

ག་རེ།

• སློབ་ཆེན་དུ་རྐང་འཁོར་རམ་ལྕགས་རྟ་ཞོན་མཁན།
• ཝི་སི་ཀོན་སིན་གཙུག་ལག་སློབ་ཆེན་གྱི་ལས་བྱེད་ཚོར་སྦ་སི་པ་སེ།
• སྣུམ་འཁོར་མཉམ་ཞོན Rideshare (སྣུམ་འཁོར་མཉམ་སྤྱོད carpooling)
• ཝི་སི་ཀོན་སིན་གཙུག་ལག་སློབ་ཆེན་སྣུམ་འཁོར་བཀག་འཇོག
• གྲོང་ཁྱེར་སྣུམ་འཁོར་བཀག་འཇོག་བྱེད་ལུགས་སྒྲིག་གཞི།

ཅིའི་ཕྱིར།

• ཁྱེད་རང་གི་གདམ་ཀ་ཤེས་རྒྱུ། བཀག་འཇོག་བྱེད་ཆོག་པ་སེ་དང་ཁྱེད་ཀྱི་ལས་ཀ་བྱ་ཡུལ་ཐག་ཉེར་སྣུམ་འཁོར་བཀག་འཇོག
• ཁྱེད་ཀྱི་འགྲུལ་སྐྱོད་ཆེད་དུ་འཆར་གཞི་འདིང་རྒྱུ། སེམས་འཚབ་ཇེ་ཆུང་དུ་གཏོང་རྒྱུ་དང་ཁོང་ཁྲོའི་མཚར་སྣང་ཚད་འཛིན་བྱ་རྒྱུ།
• སྣུམ་འཁོར་བཀག་འཇོག་ཉེས་ཆད་ (tickets)གཡོལ་ཐབས་བྱ་རྒྱུ། ཡུལ་མི་གནས་སྡོད་ས་ཆའི་དམིགས་བཀར་སྣུམ་འཁོར་བཀག་འཇོག་སྒྲིག་གཞི་དང་། ཁ་བ་འབབ་དུས་ཛ་དྲག་གནས་སྟངས། དགུན་ཁའི་ སྲང་ལམ་གཡས་གཡོན་སྣུམ་འཁོར་བཀག་འཇོག་བྱེད་སྟངས་བཅས་རྒྱུས་ལོན་བྱ་རྒྱུ།
• ཐབས་ལམ་གཞན་པ་འཚོལ་རྒྱུ། མལ་ཌི་སིན་མེ་ཊི་རོ་ (Madison Metro) དང་གྲོང་ཁྱེར་གྱི་རྐང་འཁོར་ལྕགས་རྟ་ཞོན་ལམ་ དང་གནས་ཚུལ་ཐོན་ཁུངས།

ཇི་ལྟར།

• ཝི་སི་ཀོན་སིན་གཙུག་ལག་སློབ་ཆེན།
  • ཝི་སི་ཀོན་སིན་གཙུག་ལག་སློབ་ཆེན་སྦ་སི་པ་སེ་ལས་རིམ།
  • ཝི་སི་ཀོན་སིན་གཙུག་ལག་སློབ་ཆེན་རྐང་འཁོར་འགྲུལ་སྐྱོད།
  • ཝི་སི་ཀོན་སིན་གཙུག་ལག་སློབ་ཆེན་སྣུམ་འཁོར་བཀག་འཇོག་བྱེད་ཆོག་པ་སེ།
  • ཝི་སི་ཀོན་སིན་གཙུག་ལག་སློབ་ཆེན་སྦག་སྦག་བཀག་འཇོག (Moped Parking)
  • ཝི་སི་ཀོན་སིན་གཙུག་ལག་སློབ་ཆེན་(Van Pool)
• མལ་ཌི་སིན་གྲོང་ཁྱེར།
  • སྤྱིར་བཏང་སྣུམ་འཁོར་བཀག་འཇོག་བྱེད་སྟངས་ལམ་སྟོན།
  • ཡུལ་མི་གནས་སྡོད་བྱ་ཡུལ་སྣུམ་འཁོར་བཀག་འཇོག་ཆོག་མཆན་པ་སེ།
  • སྲང་ལམ་སྣུམ་འཁོར་བཀག་འཇོག

རོགས་རམ་དང་དྲ་ལམ་གནས་ཚུལ་ཐོན་ཁུངས།

ཝི་སི་ཀོན་སིན་གཙུག་ལག་སློབ་ཆེན་སྐྱེལ་འདྲེན་ལས་ཁུངས་ (Transportation Services) ཤེས་རྟོགས་བྱ་རྒྱུ (སློབ་ཆེན་གྱི་ས་ཁུལ་སྣ་ཚོགས)

མལ་ཌི་སིན་གྲོང་ཁྱེར་སྣུམ་འཁོར་བཀག་འཇོག་རོགས་རམ་ཆེད་དུ་གཤམ་གསལ་ཁག་ལ་ཁ་པར་གཏོང་རྒྱུ།

• སྣུམ་འཁོར་བཀག་འཇོག་སྒྲིག་གཞི་ལག་ལེན་གནད་དོན་(སྒྲིག་འགལ)ཆེད་དུ་ཨང་གྲངས་ ༦༠༨ ༢༦༦ ༤༢༧༥
• སྣུམ་འཁོར་བཀག་འཇོག་ཉེས་ཆད་ (tickets) ཆེད་དུ་ཨང་གྲངས་ ༦༠༨ ༢༦༦ ༤༡༧༠
• སྣུམ་འཁོར་བཀག་འཇོག་པ་སེ་ཆེད་དུ་ཨང་གྲངས་ ༦༠༨ ༢༦༦ ༤༧༦༡

སུ།

ལས་བྱེད་དང་། སྙན་ཞུ་འབུལ་མི། སློབ་ཆེན་གྱི་སྡེ་ཚན་ཡོངས།

ག་རེ།

རིག་གཞུང་སྐད་ཡིག་ཞབས་ཞུ་ཁང་ [(Cultural Linguistic Services (CLS)] གིས་ལས་བྱེད་དང་སྡེ་ཚན་ཁག་ལ་རྒྱབ་སྐྱོར་ཆེད་དུ་ ལས་རིམ་ ༢ མཁོ་འབུལ་ཞུ་ཡི་ཡོད།

• ལས་ཀ་བྱ་ཡུལ་དུ་སློབ་གཉེར།
  • གོ་བདེའི་སྐད་ཡིག་ (Plain language) གི་ཟབ་སྦྱོང་དང་སློབ་སྟོན།
  • ལས་ཐོག་ཨིན་ཇི་སྐད་ཡིག་ (Workplace English) འཛིན་གྲྭ་དང་ཟུར་ཁྲིད།
  • རྨང་གཞིའི་ཀམ་པུ་ཊར་སྦྱོང་བརྡར།
  • ནུས་འཕེར་ཅན་གྱི་འབྲེལ་མོལ་བྱེད་ཕྱོགས་སྐོར་གྱི་ཟབ་སྦྱོང་།

• སྐད་ཡིག་ཞབས་ཞུ།
  • ཨིན་ཇི་སྐད་དང་། སི་པན་སྐད། མོང་སྐད། བོད་སྐད། རྒྱ་ནག་སྐད། བལ་པོ་སྐད།
  • ཡིག་བསྒྱུར་དང་སྐད་བསྒྱུར།
  • སྐད་ཡིག་སྣ་མང་གི་ཟབ་སྦྱོང་དང་གནས་ཚུལ་ངོ་སྤྲོད།

ཅིའི་ཕྱིར།

རིག་གཞུང་སྐད་ཡིག་ཞབས་ཞུ་ཁང་ (CLS) གིས་གཤམ་གསལ་ཁག་བརྒྱུད་ནས་ལས་ཐོག་འབྲེལ་མོལ་བྱེད་ཐབས་གོང་འཕེལ་གཏོང་གི་ཡོད།

• ཆེད་ལས་དང་གསང་རྒྱ་ཅན་གྱི་སྐད་ཡིག་རོགས་རམ།
• གོ་བདེའི་སྐད་ཡིག་དང་ནུས་འཕེར་ཅན་གྱི་འབྲེལ་མོལ་བྱེད་ཕྱོགས་ཟབ་སྦྱོང་།
• ལས་ཐོག་ཨིན་ཇི་སྐད་ཡིག་འཛིན་གྲྭ་དང་། རྨང་གཞིའི་སྐད་ཡིག་སློབ་ཁྲིད། ཟུར་ཁྲིད།

ག་དུས།

དུས་གང་རུང་།

ཇི་ལྟར།

• ལས་ཐོག་ཨིན་ཇི་སྐད་ཡིག་འཛིན་གྲྭའི་ཆེད་དུ། རིག་གཞུང་སྐད་ཡིག་ཞབས་ཞུ་ཁང་ (CLS) ལས་ཐོག་འགན་འཛིན་ལ་ ཁ་པར་ ༦༠༨ ༢༦༥ ༦༦༥༡ གམ་ workplace-learning-cls@wisc.edu ལ་འབྲེལ་བ་བྱ་རྒྱུ།
• སྐད་ཡིག་ཞབས་ཞུའི་ཆེད་དུ། རིག་གཞུང་སྐད་ཡིག་ཞབས་ཞུ་ཁང་ (CLS) སྐད་བསྒྱུར་དང་ཡིག་བསྒྱུར་འགན་འཛིན་ལ་ ཁ་པར་ ༦༠༨ ༨༩༠ ༢༦༢༨ དམ་ translation-interpretation-cls@wisc.eduལ་འབྲེལ་བ་བྱ་རྒྱུ།

རོགས་རམ་དང་དྲ་ལམ་གནས་ཚུལ་ཐོན་ཁུངས།

རིག་གཞུང་སྐད་ཡིག་ཞབས་ཞུ་ཁང་སྐོར་ལ་ཤེས་རྟོགས་མང་དུ་བྱ་རྒྱུ།

སུ།

ལས་བྱེད་དང་སྙན་ཞུ་འབུལ་མི་ཡོངས།

ག་རེ།

གཤམ་གསལ་ཁོངས་ནས་ནད་མནར་སྨན་བཅོས་དགོངས་པ་ཞུ་བ་དང་ལས་ཐོག་དམིགས་བསལ་མཐུན་རྐྱེན་ཞུ་སྙན་འབུལ་ཕྱོགས་དང་སྟངས་འཛིན་ལ་རོགས་རམ།

• Americans with Disabilities Act (ADA)
• Family & Medical Leave Act (FMLA)
• འབྲེལ་ཡོད་སྲིད་ཇུས།

སྦྱོང་བརྡར་ཐོབ་པའི་སྡེ་ཁག་དབང་པོ་སྐྱོན་ཅན་ལས་དོན་ངོ་ཚབ (DDRs)།

• ཞུ་ཡིག་ཐད་རོགས་རམ།
• ཁྱེད་ལ་བྱ་རིམ་ཐད་ལམ་སྟོན།
• ཁྱེད་ཀྱི་གསང་རྒྱར་སྲུང་སྐྱོབ།
• དགོས་མཁོ་ཡོད་སྐབས་ལས་བྱེད་དབང་པོ་སྐྱོན་ཅན་གནས་ཚུལ་ཐོན་ཁུངས་ (EDR) ལ་འབྲེལ་མཐུད།

ཅིའི་ཕྱིར།

སྡེ་ཁག་དབང་པོ་སྐྱོན་ཅན་ལས་དོན་ངོ་ཚབ་ (DDRs) ཀྱིས་ནད་མནར་སྨན་བཅོས་དང་། དབང་པོ་སྐྱོན་ཅན། ཡང་ན་ཁྱེད་ཀྱིས་ནང་མི་ཞིག་ལ་ལྟ་སྐྱོང་བྱེད་པ་དང་ འབྲེལ་བའི་ལས་ཐོག་དཀའ་ངལ་ཐད་ཁྱེད་ལ་སྐད་ཆ་བཤད་ཆོག

ག་དུས།

• དབང་པོ་སྐྱོན་ཅན་གྱི་རྐྱེན་གྱིས་ཁྱེད་ལ་དུས་ནམ་ཡིན་ལས་ཐོག་མཐུན་རྐྱེན་སྦྱོར་དགོས་དུས།
• ཁྱེད་ཀྱིས་རང་ཉིད་ཀྱི་ནད་མནར་སྨན་བཅོས་ཆེད་དུའམ་ནང་མི་ཞིག་གི་ནད་གཞི་ཚབས་ཆེན་ལ་བརྟེན་ནས་ལྟ་སྐྱོང་བྱེད་པར་དགོངས་པ་ཞུ་དགོས་དུས།

ཇི་ལྟར།

ཁྱེད་ཀྱི་དབང་པོ་སྐྱོན་ཅན་ལས་དོན་ངོ་ཚབ་ DDR མཉམ་དུ་དུས་ཚོད་བཟོ་རྒྱུ།

རོགས་རམ་དང་དྲ་ལམ་གནས་ཚུལ་ཐོན་ཁུངས།

• ལས་བྱེད་དབང་པོ་སྐྱོན་ཅན་གནས་ཚུལ་ཐོན་ཁུངས (ལས་བྱེད་ཀྱི་ཆེད་དུ)
• McBurney Disability Resource Center (སློབ་མའི་ཆེད་དུ)
• Onboarding Toolkit

སུ།

ལས་བྱེད་ཡོངས།

ཅིའི་ཕྱིར།

ཅིའི་ཕྱིར།

སློབ་ཆེན་འཚམས་འཕྲིན་བརྡ་འཕྲིན་ཚོགས་པ་ (WhatsApp Campus Information Groups) ལ་ཞུགས་ནས་ཁྱེད་ཀྱི་ལག་འཁྱེར་ ཡོ་ཆས་ནང་དུ་འཕྲལ་དུ་གལ་ཆེའི་སློབ་ཆེན་གསར་འཕྲིན་འབྱོར་རྒྱུ།

ག་དུས།

དུས་གང་རུང་།

ཇི་ལྟར།

1. ཁྱེད་ཀྱི་ཁ་པར་རམ་ཊབ་ལེབ་ (tablet) ནང་དུ་འཚམས་འཕྲིན་WhatsApp ཕབ་ལེན་གནང་རྒྱུ།
   • རོགས་པ་དགོས་སམ། རིག་གཞུང་སྐད་ཡིག་ཞབས་ཞུ་ཁང་ CLS དྲ་ཚིགས་ཀྱི་ལམ་སྟོན་ལྟར་འགྲོ་རྒྱུ།
2. ཁྱེད་ཀྱི་འཚམས་འཕྲིན་ WhatsApp འབྲེལ་གཏུག་མིང་ཐོ་ནང་དུ་ཁ་པར་ཨང་ ༦༠༨ ༥༡༤ ༢༨༧༤ སྣོན་རྒྱུ།
   • ཁ་པར་ཨང་ ༦༠༨ ༥༡༤ ༢༨༧༤ ནི་སློབ་ཆེན་གྱི་འཚམས་འཕྲིན་བརྡ་འཕྲིན་ཚོགས་པ་ (WhatsApp Campus Information Groups) ཡི་ཨང་གྲངས་ཡིན།
3. ཁ་པར་ཨང་ ༦༠༨ ༥༡༤ ༢༨༧༤ ལ་འཚམས་འཕྲིན་ WhatsApp གྱི་འཕྲིན་ཐུང་ཞིག་གི་མཉམ་དུ་གཤམ་འཁོད་ཁྱེད་ཀྱི་གནས་ཚུལ་ བསྐུར་རྒྱུ།

• • རང་མིང་དང་རུས་མིང་།
  • སྡེ་ཚན།
  • གསར་འཕྲིན་བསྐུར་ཡུལ་རང་མོས་སྐད་ཡིག

རོགས་རམ་དང་དྲ་ལམ་གནས་ཚུལ་ཐོན་ཁུངས།

རིག་གཞུང་དང་སྐད་ཡིག་ཞབས་ཞུ་ཁང་ CLS ལ་ info-cls@wisc.edu ལ་གློག་འཕྲིན་བསྐུར་རྒྱུ།

ཝི་སི་ཀོན་སིན་གཙུག་ལག་སློབ་ཆེན་(མལ་ཌི་སིན་)གྱི་ལས་བྱེད་ཚོའི་སློབ་ཆེན་འཚམས་འཕྲིན་བརྡ་འཕྲིན་ཚོགས་པ་ནས་ཤེས་རྟོགས་མང་དུ་གནང་རྒྱུ།

སུ།

ལས་བྱེད་ཡོངས།

ག་རེ།

ཆེད་ལས་ཡར་རྒྱས་ (Professional development) གོ་སྐབས་ཀྱིས་ཁྱེད་རང་ཡར་རྒྱས་དང་ཇེ་ལེགས་གཏོང་བ། ལག་རྩལ་ཉར་འཛིན་གྱིས་ཁྱེད་ཀྱི་ འཚོ་ཐབས་ཁྱད་ལས་གོང་འཕེལ་འགྲོ་བར་རམ་འདེགས་བྱེད།

• རིན་མེད་དམ་རིན་གོང་ཆུང་བའི་སློབ་ཚན་དང་། བགྲོ་གླེང་ཚོགས་ཆེན། དྲ་ལམ་ཟབ་སྦྱོང་། བྱེད་སྒོ་གཞན་པ་སྟོང་ཕྲག་ལྷག་འཚོལ་ཞིབ་བྱ་རྒྱུ།
• འཚོ་ཐབས་ཁྱད་ལས་སློབ་སྟོན་པས་ཁྱེད་ལ་ཆེད་ལས་ཡར་རྒྱས་ཐད་ཀྱི་གནས་ཚུལ་ཐོན་ཁུངས་དང་འཚོ་ཐབས་ཁྱད་ལས་ཐབས་ལམ་འཚོལ་རོགས་ བྱེད་ཐུབ།

ཅིའི་ཕྱིར།

ཝི་སི་ཀོན་སིན་གཙུག་ལག་སློབ་ཆེན་གྱིས་ཚོགས་སྡེ་དམིགས་ཡུལ་བཟུང་ཞིང་སློབ་ཆེན་ཁྱོན་ཡོངས་ལ་ཞབས་ཞུ་བསྒྲུབ་རྒྱུའི་མཚོན་ཝི་སི་ཀོན་སིན་གཙུག་ལག་སློབ་ཆེན་དུ་ཁྱབ་འཕགས་འདོན་པར་རྒྱབ་སྐྱོར་དང་སྐུལ་འདེད་བྱེད་པར་འབད་བརྩོན་བྱེད་ཀྱི་ཡོད།

ཁྱེད་ལ་སློབ་ཚན་དང་། བགྲོ་གླེང་ཚོགས་འདུ། བགྲོ་གླེང་ཚོགས་ཆེན། དྲ་ལམ་ཟབ་སྦྱོང་། བྱེད་སྒོ་སྟོང་ཕྲག་ལྷག་ལ་ལོ་རེར་ཞུགས་རྒྱུའི་གོ་སྐབས་ཡོད།

ག་དུས།

མི་དངོས་ཆེད་སྐྱོད་དང་། དྲ་ལམ། འཕྲལ་དགོས་ཆེད་ལས་ཡར་རྒྱས་ལ་དུས་ནམ་ཡིན་ཐོ་འགོད་གནང་རྒྱུ།

ཇི་ལྟར།

ཁྱེད་ཀྱི་ཆེད་ལས་ཡར་རྒྱས་གོ་སྐབས་མང་པོའི་སྐོར་ཤེས་རྟོགས་གནང་རྒྱུ།

• སློབ་ཚན – ང་ཚོའི་སློབ་ཚན་ཐོ་གཞུང་བརྒྱུད་ནས་སློབ་ཚན་འཚོལ་ཞིབ་དང་ཐོ་འགོད་གནང་རྒྱུ།
• ལས་རིམ – ལས་རིམ་རྣམས་འབྲེལ་ཡོད་ཕྲེང་བསྟར་སློབ་ཚན་ནམ་བྱེད་སྒོ་ཁག་ཅིག་ཡིན། སློབ་ཚན་ལོགས་སུ་ལེན་པའམ་ཆ་ཚང་ལ་ཞུགས་པའི་ ངོས་སྦྱོར་ལག་འཁྱེར་ལེན་ཆེད་ཕྲེང་བསྟར་སློབ་ཚན་ཆ་ཚང་ལེན་རྒྱུ།
• བགྲོ་གླེང་ཚོགས་ཆེན – བགྲོ་གླེང་ཚོགས་ཆེན་ནི་ཐུན་མོང་བརྗོད་གཞི་གཙོ་བཟུང་བྱེད་པའི་ཉིན་ ༡ གམ་ཡང་ན་ཉིན་འགའི་སློབ་སྦྱོང་གོ་སྐབས་ ཤིག་ཡིན།
• འཚོ་ཐབས་ཆེད་ལས་བློ་འདྲི –ཁྱེད་ཀྱི་ཆེད་ལས་ཡར་རྒྱས་དམིགས་ཚད་དང་འཚོ་ཐབས་ཁྱད་ལས་ཐབས་ལམ་འཚོལ་ཞིབ་དང་། འཆར་འགོད། སྟངས་འཛིན་བྱེད་པར་རིན་མེད་དང་གསང་རྒྱ་ཅན་གྱི་འཚོ་ཐབས་ཆེད་ལས་བློ་འདྲི་པར་ཐུག་རྒྱུ།
• ལག་ལེན་ཚོགས་སྡེ་ (Communities of Practice) – དམིགས་བསལ་དོ་སྣང་ངམ་སྤྲོ་བ་གཅིག་མཚུངས་ཡོད་པའི་ཝི་སི་ཀོན་སིན་ གཙུག་ལག་སློབ་ཆེན་གྱི་ལས་བྱེད་ཚོགས་པ་ཞིག་ལ་ཞུགས་རྒྱུ། ཚོགས་པ་དང་རྒྱུན་དུ་ངོ་འཛོམས་ཀྱིས་མཉམ་གཅིག་ཏུ་སློབ་སྦྱོང་གནང་རྒྱུ།
• འཚོ་ཐབས་ཆེད་ལས་སློབ་སྟོན – མི་སྒེར་དང་ཆེད་ལས་ཡར་རྒྱས་ལ་དུས་ནས་དུས་སུ་རྒྱབ་སྐྱོར་དང་གོང་འཕེལ་ཆེད་དུ་འཚོ་ཐབས་ཆེད་ལས་སློབ་ སྟོན་པར་ཐུག་རྒྱུ།
• LinkedIn སློབ་གཉེར – ང་ཚོའི་ LinkedIn Learning Career Hub འཚོ་ཐབས་ཆེད་ལས་སློབ་གཉེར་ལྟེ་གནས་ནས་དྲ་ལམ་ ཆེད་ལས་སློབ་ཚན་སྟོང་ཕྲག་འཚོལ་ཞིབ་གནང་རྒྱུ།
• ཁྱེད་ཀྱི་འཚོ་ཐབས་ཆེད་ལས་བཟོ་འདོན་གནང་རྒྱུ།

རོགས་རམ་དང་དྲ་ལམ་གནས་ཚུལ་ཐོན་ཁུངས།

registrations2@ohr.wisc.edu ལ་གློག་འཕྲིན་བསྐུར་རྒྱུ།

སུ།

• ཞིབ་འཇུག་སློབ་མའི་ལས་བྱེད་ཚུད་པའི་ལས་བྱེད་ཡོངས་དང་ཁོ་ཚོའི་མཉམ་དུ་གནས་སྡོད་བྱེད་མཁན་ནང་མི་དར་མ་རྣམས་ཀྱིས་ལས་བྱེད་རོགས་ འདེགས་ལས་ཁང་ Employee Assistance Office (EAO)བེད་སྤྱོད་བྱེད་ཆོག
• ཞིབ་འཇུག་སློབ་མའི་ལས་བྱེད་ཚུད་པའི་ལས་བྱེད་ཡོངས་ཀྱིས་ཨོམ་བྷ་ཛི་ཡིག་ཚང་Ombuds Office བེད་སྤྱོད་བྱེད་ཆོག
• ལས་བྱེད་དང་ཁོ་ཚོའི་མཉམ་དུ་སྡོད་མཁན་མི་ཡིས་ LifeMattersབེད་སྤྱོད་བྱེད་ཆོག་པ་ལས་ཞིབ་འཇུག་སློབ་མའི་ལས་བྱེད་དང་ཆུ་ཚོད་ལྟར་གྱི་སློབ་ཕྲུག་ལས་མི་གཉིས་ཀས་བེད་སྤྱོད་བྱེད་མི་ཆོག
• ཆུ་ཚོད་ལྟར་གྱི་སློབ་ཕྲུག་ལས་མིས་ (དང་ཞིབ་འཇུག་སློབ་མའི་ལས་བྱེད་ཀྱིས་བེད་སྤྱོད་བྱེད་ཆོག) གཙུག་ལག་སློབ་ཆེན་འཕྲོད་བསྟེན་ཞབས་ཞུའི་ སེམས་ཁམས་འཕྲོད་བསྟེན་ཞབས་ཞུ་ (Health Services Mental Health Services) བེད་སྤྱོད་བྱེད་དགོས།

ག་རེ།

ལས་རིམ་དག་གིས་ལས་བྱེད་ཀྱི་བདེ་ཐང་ལ་རོགས་སྐྱོར་བྱེད།

• ལས་བྱེད་རོགས་འདེགས་ལས་ཁང་ EAO གིས་གཤམ་གསལ་མཁོ་འབུལ་བྱེད།
  • ལས་ཀ་དང་མི་སྒེར་དཀའ་ངལ་ཆེད་དུ་རིན་མེད་དང་གསང་རྒྱ་ཅན་གྱི་བློ་འདྲི་དང་སློབ་སྟོན།
  • དྲ་ལམ་དང་མི་དངོས་ངོ་ཐུག་ཐོག་ནས་ཐུག་ཆོག་པའི་ཉམས་མྱོང་ཅན་དང་ཆོག་མཆན་ལག་འཁྱེར་ཡོད་པའི་བློ་འདྲི་པ།
• ཨོམ་བྷ་ཛི་ཡིག་ཚང་ Ombuds Office གིས་ལས་ཀ་བྱ་ཡུལ་དུ་དྲང་བདེན་ཡོང་ཐབས་དང་གཤམ་གསལ་མཁོ་འབུལ་བྱེད།
  • ལས་ཀའི་དཀའ་ངལ་ལ་རིན་མེད་དང་གསང་རྒྱ་ཅན་གྱི་རོགས་རམ།
  • སློབ་སྟོན་པས་ (སློབ་ཆེན་ཡོངས་སུ་ལོ་མང་པོའི་ཉམས་མྱོང་ཡོད་ཅིང་རྒན་ཡོལ་ལ་ཕྱིན་པའི་ཝི་སི་ཀོན་སིན་གཙུག་ལག་སློབ་ཆེན་གྱི་ དགེ་རྒན་ནམ་ལས་བྱེད་) བྱེད་ཐུབ་པ་ནི།
    • སྒེར་ནས་ཁྱེད་ལ་ཐུག་པ།
    • རྩོད་རྙོག་འདུམ་འགྲིག་བྱེད་པ།
    • ཉེས་ཆད་གཅོད་པའི་ཚོགས་འདུར་ཞུགས་པ།
• LifeMatters ཡིས་མཁོ་འབུལ་བྱེད་པ་ནི།
  • ལས་ཀ་དང་མི་སྒེར་དཀའ་ངལ་ཆེད་དུ་རིན་མེད་དང་གསང་རྒྱ་ཅན་གྱི་བློ་འདྲི་དང་སློབ་སྟོན།
  • གཙུག་ལག་རབ་འབྱམས་པའི་ཚད་གཞིའི་བློ་འདྲི་པ་ཚོས་བྱེད་ཐུབ་པ་ནི།
    • ལོ་རེའི་ཉིན་རེར་ཆུ་ཚོད་ ༢༤ རིང་ཁ་པར་ནས་སྐད་ཆ་བཤད་རྒྱུ།
    • ཨ་རི་རྒྱལ་ཡོངས་ནས་ཁྱེད་ཀྱི་ཐག་ཉེ་ཞིག་ནས་བློ་འདྲི་པར་དྲ་ལམ་མམ་མི་དངོས་ངོ་ཐུག་ཐོག་ནས་འབྲེལ་གཏུག་གནང་རྒྱུ།
  • ཁྲིམས་ཐོག་དང་དཔལ་འབྱོར་ཐད་ཀྱི་སློབ་སྟོན་དང་། སྟབས་བདེའི་ཞབས་ཞུ། གོང་ཚད་གཅོག་འཕྲི་ལས་རིམ།

ཅིའི་ཕྱིར།

ཁྱེད་རང་སྐྱིད་པོ་དང་བདེ་ཐང་ཡིན་པ་དང་། ཁྱེད་ཀྱི་མི་སྒེར་འཚོ་བ་དང་གཞུང་དོན་བྱ་བར་རྒྱབ་སྐྱོར་ཡོད་སྐབས་ཁྱེད་ཀྱིས་ལས་ཀ་ཡག་ཤོས་བྱེད་ཀྱི་ཡོད།

ག་དུས།

ལས་བྱེད་རོགས་འདེགས་ལས་ཁང་ EAO དང་ཨོམ་བྷ་ཛི་ཡིག་ཚང་ Ombuds Offices ནི་ཝི་སི་ཀོན་སིན་གཙུག་ལག་སློབ་ཆེན་སྒོ་ཕྱེས་ཡོད་སྐབས་ དུས་ནམ་ཡིན་ལ་ཡོད།

LifeMatters ཞབས་ཞུ་ནི་ལོ་རེའི་ཉིན་རེར་ཆུ་ཚོད་ ༢༤ རིང་ཡོད།

ཇི་ལྟར།

• ལས་བྱེད་རོགས་འདེགས་ལས་ཁང་ EAO ། ༦༠༨ ༢༦༣ ༢༩༨༧ ལ་ཁ་པར་གཏོང་བའམ་ eao@mailplus.wisc.edu ལ་གློག་འཕྲིན་བསྐུར་རྒྱུ།
• ཨོམ་བྷ་ཛི་ཡིག་ཚང་ Ombuds Office ། uwombuds@mailplus.wisc.edu ལ་གློག་འཕྲིན་བསྐུར་རྒྱུ།
• LifeMatters ། ༨༠༠ ༦༣༤ ༦༤༣༣ ལ་ཁ་པར་གཏོང་རྒྱུ།
  • ༡།  དྲ་ཚིགས་ https://eap.mylifematters.com/login ལ་གཟིགས་རྒྱུ།
  • ༢།  ལས་ཁུངས་ཀྱི་གསང་ཚིག་ Bucky1 བེད་སྤྱོད་བྱ་རྒྱུ།
  • ༣།  ཁྱེད་ཀྱིས་ཀྱང་རིན་མེད་མི་སྒེར་ཐོ་ཁོངས་བཟོ་ཆོག

སུ།

ལས་འཕེར་ཅན་གྱི་ཝི་སི་ཀི་ཀར་ཌི་ Wiscard ཡོད་པའི་ཝི་སི་ཀོན་སིན་གཙུག་ལག་སློབ་ཆེན་ལས་བྱེད་ཡོངས་ཀྱིས་ཚོགས་མིའི་ཐོབ་ཐང་ཉོ་ཆོག

ཝི་སི་ཀོན་སིན་གཙུག་ལག་སློབ་ཆེན་དུ་སློབ་ཞུགས་བྱས་པའི་དངོས་གཞི་དང་ཞིབ་འཇུག་སློབ་མ་ཡོངས་ལ་ཁོ་ཚོའི་ཟུར་བཀར་འབུལ་འབབ་སྤྲོད་པ་བརྒྱུད་ནས་ ཚོགས་མིའི་ཐོབ་ཐང་རག་གི་ཡོད།

ག་རེ།

ལས་བྱེད་ཚོས་སློབ་ཆེན་ཁྱོན་ཡོངས་ཀྱི་སྤྲོ་གསེང་ལུས་སྦྱོང་ཁང་ (gyms) ༣ བེད་སྤྱོད་བྱེད་པར་སྤྲོ་གསེང་ལུས་སྦྱོང་དང་བདེ་ཐང་ Rec Well ཚོགས་མིའི་ཐོབ་ཐང་ཉོ་ཆོག

• Nicholas Recreation Center – སློབ་ཆེན་གྱི་ལྷོ་ཤར་དང་ Kohl Center ཉེ་འགྲམ་དུ་ཡོད།
• Bakke Recreation & Wellbeing Center – སློབ་ཆེན་གྱི་ནུབ་ངོས་དང་མཚོ་ཁའི་ཉལ་ཁང་ Lakeshore Dorms ཉེ་འགྲམ་དུ་ཡོད།
• Nielsen Tennis Stadium – སློབ་ཆེན་གྱི་ཆེས་ནུབ་ངོས་དང་ UW Hospital ཉེ་འགྲམ་དུ་ཡོད།

སྤྲོ་གསེང་ལུས་སྦྱོང་ཁང་གིས་མཁོ་འབུལ་བྱེད་པ་ནི།

• ཆུ་རྐྱལ་རྫིང་བུ་ ༢ དང་། ཕྱི་ནང་གཉིས་ཀའི་དྲ་གྲུག་ཊེ་ནེ་སི tennis ། སྙིང་དབུགས་འགུལ་སྐྱོད་དང་ཤུགས་སྐྱེད་འཕྲུལ་ཆས། སྤྱོད་མང་ཅན་གྱི་ གྲུག་རྩེད་རྭ་བ་དང་སྦྱོང་བརྡར་ཁང་། འཁྱག་ཤུད་ཐང་ཆེན། བསྐུ་མཉེ་གསོ་བཅོས། སློབ་ཁྲིད་ཐབ་ཚང་། སྒོམ་སྒྲུབ་ཉམས་ལེན་ས་ཆ།
• མི་སྒེར་སྦྱོང་བརྡར་དང་། མི་ཚོགས་བདེ་ཐང་འཛིན་གྲྭ། སློབ་ཆེན་ནང་ཁུལ་ལུས་རྩལ་བྱེད་སྒོ། སློབ་ཚན། བདེ་ཐང་ཞབས་ཞུ་བཅས་ཞབས་ཞུ་གཞན་པ།

ཅིའི་ཕྱིར།

སྤྲོ་གསེང་ལུས་སྦྱོང་དང་བདེ་ཐང་ Rec Well ཁང་དུ་ང་ཚོས་ཁྱེད་རང་ལུས་ཕུང་བདེ་ཐང་ཡོང་ཐབས་ཀྱི་ལམ་གང་ཞིག་ཏུ་སྐྱོད་སྐབས་ཁྱེད་དང་ཁྱེད་ཀྱི་བདེ་ཐང་ དམིགས་ཡུལ་འགྲུབ་པར་རྒྱབ་སྐྱོར་བྱེད་ཀྱི་ཡོད། རྒྱལ་ཡོངས་ལ་སྐད་གྲགས་ཡོད་པའི་ང་ཚོའི་ལུས་སྦྱོང་ཁང་དང་ཞབས་ཞུ་དག་གིས་ཁྱེད་རང་སྔར་ལས་ཀྱང་ལུས་སྟོབས་ཆེ་ཞིང་བདེ་ཐང་ཡོང་བ་དང་། རང་ཉིད་ལྟ་སྐྱོང་བྱེད་ཐབས་ཇེ་ལེགས། ཚོགས་སྡེའི་ཁོངས་མི་ཡིན་པའི་ཚོར་བ་སྟེར་བ་བཅས་ཀྱི་རོགས་རམ་བྱེད།

ག་དུས།

ཁྱེད་ཀྱིས་ཚོགས་མིའི་ཐོབ་ཐང་དང་ཡང་ན་ཞབས་ཞུ་ཁག་དྲ་ལམ་མམ་སྤྲོ་གསེང་ལུས་སྦྱོང་དང་བདེ་ཐང་ཁང་གང་རུང་དུ་མི་དངོས་ཆེད་སྐྱོད་ཀྱིས་ཉོ་ཆོག འོས་ཆོས་ཚང་བའི་ལས་བྱེད་ཚོས་ཁང་ཁུངས་ལ་གཟིགས་སྐོར་དང་བདུན་ཕྲག་གཅིག་ལ་རིན་མེད་ཚོད་ལྟ་བྱེད་པའི་རེ་སྐུལ་ཞུ་ཆོག

ཇི་ལྟར།

• སྤྲོ་གསེང་ལུས་སྦྱོང་དང་བདེ་ཐང་ Rec Well དྲ་ཚིགས་ནས་གནས་ཚུལ་ཞིབ་ཕྲ་ཤེས་རྟོགས་གནང་རྒྱུ།
  • ཆུ་ཚོད་དང་ས་གནས།
  • ཚོགས་མིའི་ཐོབ་ཐང་གི་གདམ་ཀ
• དྲ་ལམ་ནས་ཚོགས་མིའི་ཐོབ་ཐང་ལ་ཐོ་འགོད་གནང་རྒྱུ།

རོགས་རམ་དང་དྲ་ལམ་གནས་ཚུལ་ཐོན་ཁུངས།

hello@recwell.wisc.edu ལ་གློག་འཕྲིན་བསྐུར་རྒྱུ།

སུ།

ཝི་སི་ཀོན་སིན་མངའ་སྡེའི་ལས་བྱེད་དང་། རྒས་ཡོལ་མི་སྣ། ཁོ་ཚོའི་བཟའ་ཟླ་ཡོངས།

ག་རེ།

ཝི་སི་ཀོན་སིན་བདེ་ཐང་ Well Wisconsin ནི་ཝི་སི་ཀོན་སིན་མངའ་སྡེ་དང་ WebMD ཡི་དྲ་ལམ་འཕྲོད་བསྟེན་ལས་རིམ་ཞིག་རེད།

• ཁྱེད་དང་ཁྱེད་ཀྱི་བཟའ་ཟླས་ཐོ་འགོད་བྱེད་ཆོག
• ཝི་སི་ཀོན་སིན་བདེ་ཐང་ Well Wisconsin གིས་ཁྱེད་ལ་བདེ་ཐང་དམིགས་ཡུལ་བཟོ་འགོད་དང་། མདུན་སྐྱོད་རྗེས་འདེད། བདེ་ཐང་ཡོང་ཐབས་ སློབ་སྦྱོང་བྱེད་པར་རོགས་རམ་བྱེད་ཐུབ།

ཅིའི་ཕྱིར།

ཝི་སི་ཀོན་སིན་བདེ་ཐང་ Well Wisconsin གིས་ཕན་ཐོགས་ཅན་གྱི་གནས་ཚུལ་སྤྲོད་ཅིང་ཁྱེད་ཀྱི་བདེ་ཐང་དམིགས་ཡུལ་འགྲུབ་པར་སེམས་ཤུགས་སྤར་ཐུབ།

ཝི་སི་ཀོན་སིན་བདེ་ཐང་ལས་རིམ་ Well Wisconsin Program སྐོར་ཤེས་རྟོགས་མང་དུ་གནང་རྒྱུ།

ག་དུས།

དུས་གང་རུང་།

ཇི་ལྟར།

• ༡།  ཝི་སི་ཀོན་སིན་བདེ་ཐང་ལས་རིམ་ Well Wisconsin Program སྒྲ་བརྙན་ལ་གཟིགས་རྒྱུ།
• ༢།  ཝི་སི་ཀོན་སིན་བདེ་ཐང་ Well Wisconsin དྲ་ཤོག་སྟེང་འགྲོ་རྒྱུའམ་ཡང་ན་ App Store འམ་ Google Play བརྒྱུད་ནས་Wellness At Your Side བཀོལ་ཆས་ཕེབ་ལེན་གནང་རྒྱུ།
• ༣།  ཨང་རྟགས་འདི་བརྒྱུད་ནས་ཐོ་འགོད་གནང་རྒྱུ། SOWI

གནས་ཚུལ་རྒྱས་པ་གཟིགས་རྒྱུ། Well Wisconsin Flyer Registration

རོགས་རམ་དང་དྲ་ལམ་གནས་ཚུལ་ཐོན་ཁུངས།

• དྲ་ཚིགས་ WebMD ལ་བལྟ་རྒྱུའམ་ ༡-༨༠༠-༨༢༡-༦༥༩༡ ཁ་པར་གཏོང་རྒྱུ།
• ཝི་སི་ཀོན་སིན་བདེ་ཐང་ Well Wisconsin དྲ་ཚིགས་ལ་གཟིགས་རྒྱུ།

སུ།

ཝི་སི་ཀོན་སིན་མངའ་སྡེ་ཡི་མངའ་སྡེའི་རྒུ་རོབ་འཕྲོད་བསྟེན་ལྟ་སྐྱོང་འགན་སྲུང་ State Group Health Insurance ཁོངས་སུ་ཞུགས་མཁན་དང་ ཨ་རིར་གནས་སྡོད་ཁ་བྱང་ཡོད་མཁན་ལས་བྱེད་དང་། རྒན་ཡོལ་མི་སྣ། ཁོ་ཚོའི་བཟའ་ཟླ་རྣམས།

གལ་ཏེ་ཁྱེད་ཀྱི་སྡོད་གནས་ཁ་བྱང་ཨ་རིའི་ཕྱི་ལོགས་ན་ཡོད་ཚེ། ཁྱེད་ཀྱིས་ WebMD བརྒྱུད་ནས་དྲ་ལམ་གྱི་ཝི་སི་ཀོན་སིན་བདེ་ཐང་ Well Wisconsin གནས་ཚུལ་ཐོན་ཁུངས་སྤྱོད་ཆོག འོན་ཀྱང་སྒོར་ ༡༥༠ ཡི་བདེ་ཐང་བྱ་དགའི་དངུལ་འབབ་ཐོབ་ཀྱི་མེད།

ག་རེ།

གལ་ཏེ་ཁྱེད་ལ་གཤམ་གསལ་ཆ་རྐྱེན་ཚང་ཚེ་ཁྱེད་དང་ཁྱེད་ཀྱི་བཟའ་ཟླ་རེ་རེར་ལོ་རེར་བདེ་ཐང་བྱ་དགའི་དངུལ་འབབ་(སྒོར་ ༡༥༠ བར) ཐོབ་ཐུབ།

• མངའ་སྡེའི་རྒུ་རོབ་འཕྲོད་བསྟེན་ལྟ་སྐྱོང་འགན་སྲུང་ State Group Health Insurance ཁོངས་སུ་ཞུགས་རྒྱུ། ད་དུང་
• དགོས་འདུན་བླང་བྱ་ ༣ ལེགས་འགྲུབ་བྱ་རྒྱུ། དེ་ཡང་འཕྲོད་བསྟེན་བརྟག་དཔྱད། འཕྲོད་བསྟེན་གནས་ཚུལ་དཔྱད་ཞིབ (assessment) །     བདེ་ཐང་བྱེད་སྒོ་བཅས།

ཅིའི་ཕྱིར།

ཁྱེད་ལ་དགོས་འདུན་བླང་བྱ་ ༣ (འཕྲོད་བསྟེན་བརྟག་དཔྱད། འཕྲོད་བསྟེན་གནས་ཚུལ་དཔྱད་ཞིབ། བདེ་ཐང་བྱེད་སྒོ་)ལེགས་འགྲུབ་བྱས་རྗེས་སྒོར་ ༡༥༠ ཅན་གྱི་སྔ་སྤྲོད་དངུལ་དོད་ཀར་ཌི་ (prepaid card) ཞིག་ཐོབ་ཐུབ། ཐུགས་སྣང་། འདི་ནི་དཔྱ་ཁྲལ་བསྡུ་འབབ་ཡོང་འབབ་ཡིན།

ག་དུས།

ཝི་སི་ཀོན་སིན་བདེ་ཐང་ Well Wisconsin དྲ་ངོས་ནས་དུས་བཀག་ཟླ་ཚེས་དང་ཐོ་འགོད་གནས་ཚུལ་རྒྱས་པར་གཟིགས་རྒྱུ།

གལ་ཏེ་ཁྱེད་རང་ལས་བྱེད་གསར་པ་ཡིན་པ་དང་སྟོན་ཁར་མངའ་སྡེའི་རྒུ་རོབ་འཕྲོད་བསྟེན་ལྟ་སྐྱོང་འགན་སྲུང་ State Group Health Insurance ཁོངས་སུ་ཞུགས་རྒྱུའི་འོས་ཆོས་ཚང་ཚེ། ལོ་ཐོ་ལྟར་གྱི་ཕྱི་ལོ་བར་དུ་ཁྱེད་ལ་ཕལ་ཆེར་ཝི་སི་ཀོན་སིན་བདེ་ཐང་བྱ་དགའི་དངུལ་འབབ་ལེན་རྒྱུར་ཆ་རྐྱེན་ཚང་གི་མེད།

ཇི་ལྟར།

ཝི་སི་ཀོན་སིན་བདེ་ཐང་Well Wisconsin སྐོར་ལ་གསར་པ་ཡིན་ནམ། ཐོ་ཁོངས་ཁ་འབྱེད་ལ་ཐོ་འགོད་ཇི་ལྟར་ཇི་ལྟར་བྱེད་ཚུལ་ཤེས་རྟོགས་གནང་རྒྱུ།

ཁྱེད་ཀྱི་ཝི་སི་ཀོན་སིན་བདེ་ཐང་ Well Wisconsin དྲ་ངོས་ལ་བལྟ་བ་དང་། འཕྲོད་བསྟེན་གནས་ཚུལ་དཔྱད་ཞིབ་དང་། འཕྲོད་བསྟེན་བརྟག་དཔྱད། བདེ་ཐང་ བྱེད་སྒོ་བཅས་ལེགས་འགྲུབ་བྱས་ཏེ་སྒོར་ ༡༥༠ ཅན་གྱི་སྔ་སྤྲོད་དངུལ་དོད་ཀར་ཌི་ལེན་རྒྱུ།

རོགས་རམ་དང་དྲ་ལམ་གནས་ཚུལ་ཐོན་ཁུངས།

• མལ་ཌི་སིན་ཁེ་ཕན་ཐོབ་ཐང་ལས་ཁུངས་ Madison Benefits Services benefits@ohr.wisc.eduལ་གློག་འཕྲིན་ བསྐུར་རྒྱུ།
• ཝི་སི་ཀོན་སིན་བདེ་ཐང་ཐོ་ཁོངས་ Well Wisconsin account དྲ་ཤོག་གི་འོག་ཞབས་ན་ཡོད་པའི་རྒྱུན་འདྲིའི་དྲི་བར་ (FAQ) གཟིགས་རྒྱུ།།

སུ།

ལས་བྱེད་ཡོངས།

ཅི་ཞིག

• ཝི་སི་ཀོན་སིན་གཙུག་ལག་སློབ་ཆེན་སྒྲིག་འཛུགས་གྲུབ་ཚུལ་རེའུ་མིག
• Working at UW (ཝི་སི་ཀོན་སིན་གཙུག་ལག་སློབ་ཆེན་དུ་ལས་ཀ་བྱེད་པ།)
• New Employee Orientation (NEO) (ལས་བྱེད་གསར་པར་རྒྱུས་སྟོན་སྦྱོང་བརྡར)
• ཝི་སི་ཀོན་སིན་གཙུག་ལག་སློབ་ཆེན་(མལ་ཌི་སིན་)ལ་གཟིགས་སྐོར།
• འགྲེལ་བཤད་ཅན་གྱི་རང་ངོས་ལམ་སྟོན་གཟིགས་སྐོར་ (ཆུ་ཚོད་སྐར་མ་ ༦༠) དང་དྲ་ལམ་གཟིགས་སྐོར།
• UW Rental Guide (ཝི་སི་ཀོན་སིན་གཙུག་ལག་སློབ་ཆེན་གླ་གཏོང་ལམ་སྟོན།)
• UW Childcare ཝི་སི་ཀོན་སིན་གཙུག་ལག་སློབ་ཆེན་བྱིས་སྐྱོང་གནས་ཚུལ་ཐོན་ཁུངས།
• ཝི་སི་ཀོན་སིན་གཙུག་ལག་སློབ་ཆེན་ཆག་ཡང།

ཅིའི་ཕྱིར།

• ཁྱེད་ཀྱི་ཚོགས་སྡེ་དང་། ལས་ཀ་དང་གནས་སྡོད་བྱེད་པར་ད་ཡོད་གནས་ཚུལ་ཤེས་རྟོགས་བྱ་རྒྱུ།
• སློབ་ཆེན་གྱི་ཆགས་ཚུལ་དང་། གནས་སྟངས། འཛིན་སྐྱོང་སྐོར་རྒྱུས་ལོན་བྱ་རྒྱུ།
• གདེང་ཚོད་ཡིད་ཆེས་བསྐྲུན་རྒྱུ། ཁྱེད་ཀྱི་ལས་ཀ་བྱ་ཡུལ་གྱིས་ཁྱེད་ལ་འབྲེལ་མཐུད་དང་། གནས་ཚུལ་སྤྲོད་པ། གྲ་སྒྲིག་བྱེད་པ་བཅས་ལ་རོགས་རམ་ བྱེད་པ་ཤེས་རྟོགས་བྱ་རྒྱུ།

ག་དུས།

དུས་གང་རུང་།

ཇི་ལྟར།

• ལས་བྱེད་གསར་པ་རྒྱུས་སྟོན་སྦྱོང་བརྡར་ལ་མིང་ཐོ་འགོད་རྒྱུ།
• ཝི་སི་ཀོན་སིན་གཙུག་ལག་སློབ་ཆེན་གྱི་ཆག་ཡང་ལེན་རྒྱུ།

རོགས་རམ་དང་དྲ་ལམ་གནས་ཚུལ་ཐོན་ཁུངས།

ཁྱེད་ཀྱི་ལྟ་རྟོག་པའམ་ཡང་ན་ཁྱེད་ཀྱི་འབྲེལ་ཡོད་སྡེ་ཁག་ལས་བྱེད་བདག་གཉེར་ཡིག་ཚང་ལ་ཁ་པར་གཏོང་བའམ་གློག་འཕྲིན་བསྐུར་རྒྱུ།